සිරි දළදා වන්දනාවේ දින දීර්ඝ නොවන බව තහවුරු වීමත් පෝලිමේ නිල වශයෙන් වන්දනා කළ හැකි පිරිස 48 000ක් පමණ බවත් නිල නොවන විශේෂිත පෝලිම්වලින් දළදා වහන්සේ දැක ගැනීම සඳහා 7000කට ආසන්න පිරිසක් දෛනිකව යොදවා තිබීම පිළිබඳ ආරංචිය ජනතාව වෙත ලැබීමත් සමග මෙතෙක් පෝලිම්වල සිටි ජනතාවගෙන් එක් ලක්ෂ පනස් දහසක් දළදා වන්දනා අදහස අත් හැර ස්වකීය ගම් බිම් වෙත ගොස් ඇතැයි සංඛ්යාලේඛන අනාවරණය කරයි.
අද උදෑසන වනවිට ලක්ෂ හතරකට ආසන්න පිරිසක් පොලිම්වල රැඳී සිටිය ද මේ වනවිට එම ප්රමාණය ලක්ෂ තුනකට අඩු බව වාර්තා වේ.
සිරි දළදා වන්දනාව වෙනුවෙන් වසා දමා තිබූ සියලුම රජයේ පාසල් 29 වැනිදා සිට විවෘත වන බව අද උදේ වරුවේ මධ්යම පළාත් අධ්යාපන දෙපාර්තමේන්තුව විශේෂ නිවේදනයක් නිකුත් කරමින් ප්රකාශ කර ඇත.
28 වැනිදා සියලුම රජයේ ආයතන පිරිසිදු කිරීම සිදුකළ යුතු බවට මධ්යම පළාත් ආණ්ඩුකාරවරයා විසින් උපදෙස් ලබා දී තිබේ. අලුතින් සිරි දළදා වන්දනා පෝලිමට එක්වීම වළක්වා ඇති නමුත් රාජ්ය ආයතනවල නිලධාරින්ගේ හිතවතුන් පෝලිම් පන්නා බුරුතු පිටින් පෝලිම්වලට එක් වන ආකාරය මේ වීඩියෝ දර්ශනයෙන් දැක ගත හැකිය.
