කලින් නියම කරගත් පරිදි සිරි දළදා වන්දනාව මෙම 27 දායින් අවසන් කරන බව ශ්රී දළදා මාලිගාවේ දියවඩන නිලමේ ප්රදීප් නිලංග දෑල අද නිල වශයෙන් නිවේදනය කළේය.
අද ජනාධිපති අනුර කුමාර දිසානායක මල්වතු අස්ගිරි මහා නායක හිමිවරුන් සහ දියවඩන නිලමේවරයා සමග සාකච්ඡා කර මෙම තීන්දුවට එළඹ තිබේ.
දියවඩන නිලමේවරයා ප්රකාශ කළේ වන්දනාව ආරම්භ කිරීමට පෙර සැලසුම් කළ ප්රමණයට වඩා වැඩි පිරිසකට දළදා වහන්සේ දැක වන්දනා කරගන්නට පසුගිය දින 07 තුළ අවස්ථාව ලැබුණු බවය.
ඔහු කීවේ පසුගිය දින කිහිපයේ දී දිවයිනේ නන්දෙසින් ලක්ෂ සංඛ්යාත ජනතාවක් පැමිණීම නිසා මහනුවර නගරය අතිශයින් ජනාකීර්ණ වූ බවත්
දළදා වන්දනාව සඳහා සැදැහැවතුන් වෙනුවෙන් පෝලිම් තුනක් ස්ථාපිත කළ ද එක්වර විශාල ජන පිරිසක් පැමිණීම නිසා ඔවුන්ට රැඳී සිටීමට ඉඩකඩ ප්රශ්න මතු වූ බවත්ය.
ඔහු කීවේ මේ තත්ත්වය තුළ පාරිසරික ගැටලු මතුවෙද්දී සැදැහැවතුන්ගේ සනීපාරක්ෂක පහසුකම් සැපිරීම ද ගැටුවක් වූ බවය.
පොලීසිය, යුද හමුදාව, මහනුවර මහ නගර සභාව, මධ්යම පළාත් සභාව, සෞඛ්ය ඇතුළු සියලු අංශ මගින් මෙහි දී ඉටු වූ සේවය දියඩවන නිලමේවරයා මෙහිදී අගය කළේය.
වැව රවුම වටා අම්පිටිය දක්වාත් කටුගස්තොට මාර්ගයේත් පෝලිම පැවැති ස්ථානවල නිවැසියන් හා වෙළෙඳ ප්රජාව දැක්වූ සහය අතිශය වැදගත් බවත් දියවඩන නිළමේවරයා මෙහිදී පැවසුවේය.
අද 68000ක් දෙනා දළදා වන්දනා කර ඇති බවත්, තව එක් ලක්ෂ පනස් දහසක් පමණ පෝලිම්වල රැඳී සිටින බවත් ගණනය කර තිබේ.
