අද දේශපාලඥයින්ට දුරකථන ඇමතුම් එන්නේ රැකියා ඉල්ලීමට නොව, දැඩි සත්කාර ඒකක ඇදක් සොයාදෙන ලෙස ඉල්ලා යැයි පාර්ලිමේන්තු මන්ත්රී ඉරාන් වික්රමරත්න මහතා පවසයි.
හෙතෙම වැඩිදුරටත් ඒ පිළිබඳ මෙසේ අදහස් දැක්වීය.
“මේ රජය මුල සිටම කළමනාකරණය අතින් ෆේල්. එය කෝවිඩ් පමණක් නොව සියලුම අංශවලින් සියලු දක්ෂයින්ට තැන නොදී වෙනත් අය දාලා ඒ අතරේ විදේශ සංචාරකයන් රටට ගෙනාවා. නව වෛරස ප්රභේදවලට රට විවෘත කර තැබුවා. යුක්රේන සංචාරකයන් ගෙනාවා. රජය වගකීමෙන් කටයුතු කරේ නැහැ. එම නිසා තමයි මෙවැනි භයානක තත්ත්වයක් උදාවෙලා තියෙන්නේ. වියට්නාමය වැනි රටවල් නිවැරැදි ක්රම අනුගමනය කරා. එම රටේ දැන් රෝගින් හා මියයන ප්රමාණය අඩුයි. බ්රිතාන්යයත් වෛරස අඩු කරමින් යනවා මාසයකට පෙර රෝගින් 1000යි කියපු රටේ දැන් 3000ක් වාර්තා වෙනවා රජය කියන විදියට වාර්තා වන රෝගින්ට වඩා තුන්ගුණයකින් රෝගින් ඉන්නවා කරන පරීක්ෂණ ප්රමාණය අනුවයි. රෝගින් ප්රමාණය කියන්නේ මේ වනවිට මරණ 801ක් වාර්තා වෙලා. එය ඉදිරියට වැඩිවිය හැකි බව වෛද්ය අංශ පෙන්වා දෙනවා. ජීවිත බේරා ගැනීමේ අභියෝගයක් තියෙනවා මේ අවස්ථාවේ ජිම් හදන එක නොවෙයි කර යුත්තේ. ජන ජීවිත බේරා ගැනීමට කටයුතු කිරීමයි.
එන්නත ලබා දීමෙදි ඇස්ට්රාසෙනිකා එන්නත මුලදී ලබා දුන්නා. මේ වනවිට තවත් එන්නත් ලක්ෂ 6ක හිගයක් තිබෙනවා. ඒ සදහා වෙන එන්නතක් ලබා දීමට රජය කටයුතු කරමින් යනවා. සෞඛ්ය අමාත්යාංශය කියනවා අපිට දෙවැනි මාත්රාව ලබා ගන්න කියලා. එහිදී අපි දෙවැනි මාත්රාව ඇස්ට්රාසෙනිකා ලබාගෙන අපේ පවුලේ අයට වෙනත් එක්ක ලබා දෙන්න බැහැ. එයට අපි කැමති නැහැ. අපේ පවුලේ මාමා කෙනෙක් කෝවිඩ් නිසා මිය ගියා. මේ රටේ සිටින්නේ මීයන් නොව මිනිස්සුයි. ඇස්ට්රාසෙනිකා එන්නත ගෙන්වා ගැනීමට බලවත් රටවල් සමග සාකච්ඡා කරයුතුයි.
අද රෝහල් ධාරිතාව අඩුයි. ඒවා ජනතාවට කියලා වැඩක් නැහැ. IDH රෝහලේ ICU ඇදන් 08යි තිබෙන්නේ. එය වැඩි කරන්න අවශ්යයි. අද දේශපාලඥයින්ට දුරකථන ඇමතුම් එන්නේ රැකියා ඉල්ලීමට නෙමෙයි. අද කියන්නේ ICU ඇදක් සොයා දෙන්න කියලා. එක රෝගියෙක් ඇදක දින 14ක් සිටිය යුතුයි සීදුව ප්රදේශයේ නව රෝහලක් ඉදි කරමින් යනවා එය හොදයි. නමුත් එයට අවශ්ය සෞඛ්ය උපකරණ වෛද්යවරුන් ලබා ගත යුතුයි. එයට අවශ්ය උපකරණ විදේශ රටවලින් ගැනීමට රජය ක්රියා කරයුතුයි.”
