අද දිනයේදීත් දිවයිනේ ප්රදේශ කීපයකට තද සුළං සහ තද වැසි බලාපොරොත්තුවන බවට කාලගුණ විද්යා දෙපාර්තමේන්තුව පුරෝකථනය කරයි.
කාලගුණ විද්යා දෙපාර්තමේන්තුව අද දවසට අදාලව උදෑසන 5.30ට නිකුත් කර ඇති නිවේදනය අනුව බස්නාහිර, සබරගමුව, මධ්යම සහ වයඹ පළාත්වලත් ගාල්ල සහ මාතර දිස්ත්රික්කවලත් විටින් විට වැසි හෝ ගිගුරුම් සහිත වැසි ඇතිවේ.
බස්නාහිර සහ සබරගමුව පළාත්වලත්, නුවරඑළිය, මහනුවර, ගාල්ල සහ මාතර දිස්ත්රික්කවලත් ඇතැම් ස්ථානවල මි.මී. 75 ට වැඩි තරමක තද වැසි ඇතිවිය හැක.
උතුරු-මැද පළාතේත් මන්නාරම සහ හම්බන්තොට දිස්ත්රික්කවලත් වැසි වාර කිහිපයක් ඇතිවිය හැකිය.
මධ්යම කඳුකරයේ බටහිර බැවුම් ප්රදේශවලත් උතුරු, උතුරු-මැද සහ වයඹ පළාත්වලත් හම්බන්තොට, සහ ත්රීකුණාමලය දිස්ත්රික්කවලත් විටින් විට හමන පැයට කිලෝ මීටර 50 ක පමණ තද සුළං බලාපොරොත්තු වේ.
දිවයිනේ සෙසු ප්රදේශවල විටින් විට හමන පැයට කිලෝ මීටර (30-40) ක පමණ තරමක තද සුළං ඇතිවිය හැක.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
