අත්යාවශ්ය ආහාර ද්රව්ය සඳහා රජය කුමන ආකාරයේ බදු සහන ලබා දුන්න ද එම සහන පාරිභෝගික ජනතාවට නොලැබීමේ තත්ත්වය පිළිබඳ මුදල් අමාත්ය බැසිල් රාජපක්ෂ මහතාගේ ප්රධානත්වයෙන් අද (11) මුදල් අමාත්යාංශයේ දී පැවැති රැස්වීමකදී දීර්ඝ වශයෙන් කරුණු සාකච්ඡා කර තිබේ.
අත්යාවශ්ය ද්රව්ය හිඟයකින් තොරව පාරිභෝගිකයන් වෙත ලබා දීම සඳහා ජනාධිපති ගෝඨාභය රාජපක්ෂ මහතා විසින් පත් කළ කමිටුවේ පළමු රැස්වීම එහි සභාපති මුදල් අමාත්ය බැසිල් රාජපක්ෂ මහතාගේ ප්රධානත්වයෙන් අද (11) මුදල් අමාත්යාංශයේ දී පැවැත්විණි.
මෙහි දී වැඩි අවධානය යොමු වූයේ එළඹෙන උත්සවය සමයේ දී රෙදිපිළි සහ ආහාර ද්රව්ය හිඟයකින් තොරව පාරිභෝගික ජනතාවට ලබා දීම සම්බන්ධයෙනි.
ඇතැම් කූඨ වෙළෙඳුන් රජයේ සහන යටතේ ලබා ගන්නා භාණ්ඩ අධික මිල ගණන් යටතේ අලෙවි කරන බව මෙහි දී අනාවරණ විය.
මීට අමතරව ආනයනය කරන අත්යාවශ්ය භාණ්ඩ නිසි පරිදි පාරිභෝගික ජනතාව වෙත ලබා දීමේ යාන්ත්රණය තව දුරටත් විනිවිදභාවයට පත් කිරීම පිළිබඳ මෙහි දී අවධානය යොමු විය.
කිරිපිටි, ගෑස්, තිරිඟු පිටි සහ සිමෙන්තිවල යම් හිඟයක් පැවතිය ද සෙසු සියලුම අත්යාවශ්ය ද්රව්ය ප්රමාණවත් තොග පවතින බව මෙහි දී අනාවරණ විය.
එකම භාණ්ඩය දිස්ත්රික්කයෙන් දිස්ත්රික්කය තුළ මිල ගණන් වල විශාල වෙනස්කම් සහිතව අලෙවි වීම පිළිබඳ මෙහි දී අමාත්ය දයාසිරි ජයසේකර මහතා මුදල් අමාත්යවරයාගේ අවධානයට ලක් කළේ ය.
මෙමගින් පාරිභෝගිකයන් දැඩි අපහසුතාවට පත් වන බව පෙන්වා දුන් අමාත්යවරයා ඒ සඳහා වහාම විසඳුමක් ලබා දිය යුතු බව කියා සිටියේ ය.
එහි දී අදහස් දැක් වූ ලසන්ත අලගියවන්න අමාත්යවරයා කියා සිටියේ ‘මිල දර්ශනය ප්රදර්ශනය කිරීම අනිවාර්ය‘ නීතිය මේ වන විට රට තුළ ක්රියාත්මක නොවන බවයි.
එබැවින් ඇතැම් වෙළෙඳුන් සිය සිතැඟි පරිදි භාණ්ඩ මිල තීරණය කරන අවස්ථාව ද පවතින බව අනාවරණ විය.
මුදල් අමාත්ය බැසිල් රාජපක්ෂ මහතා ඊට පිළිතුරු දෙමින් සඳහන් කළේ සම්පූර්ණ මිල දර්ශනය භාෂා තුනෙන් ම ප්රදර්ශනය කිරීම වෙනුවට අත්යාවශ්ය ද්රව්ය මිල ගණන් පමණක් හෝ ප්රදර්ශනය කිරීමේ ක්රමවේදයක් සකස් කළ යුතු බවයි.
මුදල් අමාත්යවරයා මෙහි දී කියා සිටියේ පාරිභෝගික සේවා අධිකාරිය මගින් දෛනිකව දිවයිනේ සෑම දිස්ත්රික්කයකම අත්යාවශ්ය භාණ්ඩ පිළිබඳ වාර්තාවක් ඉදිරිපත් කිරීමේ වැඩ පිළිවෙළක් ඇති කිරීම වඩාත් ප්රායෝගික බවයි.
එමගින් ආනයනික භාණ්ඩ බෙදී යාමේ විෂමතා නිසි පරිදි හඳුනා ගත හැකි බව හෙතෙම පෙන්වා දුන්නේ ය.
රට තුළ පවතින විදේශ විනිමය හිඟය තාවකාලික තත්ත්වයක් බව සඳහන් කළ මුදල් අමාත්ය බැසිල් රාජපක්ෂ මහතා එමගින් ජනතාවට ඇති බලපෑම අවම කිරීමට රජයේ අපේක්ෂාව බව ද කියා සිටියේ ය.
රෝහිත අබේගුණවර්ධන, දයාසිරි ජයසේකර, ලසන්ත අලගියවන්න, කාංචන විජේසේකර යන මැති ඇමැතිවරු ද ජනාධිපති ලේකම් ගාමිණී සෙනරත්, මුදල් අමාත්යාංශ ලේකම් එස්. ආර්. ආටිගල ඇතුළු රාජ්ය නිලධාරීහු ද මෙම අවස්ථාවට එක්ව සිටියහ.
