වර්තමාන අගමැතිවරයාට හෝ තමන්ට අගමැති ධුරය දැරීම සඳහා ජනවරමක් නැති බවත්, අගමැතිවරයාට සාපේක්ෂව නම් ඒ අගමැතිකම දැරීමේ හිමිකමක් තමන්ට ඇති බවත් ජාතික ජන බලවේගයේ නායක අනුර කුමාර දිසානායක අද පාර්ලිමේන්තුවේ දී පැවසුවේය.
වර්තමානයේ රට පත්ව ඇති සමාජ, ආර්ථික, දේශපාලන අර්බුදයවලට විසඳුම් සෙවීමේදී විශ්වාසවන්ත පාලනයක් අවශ්ය බව කී අනුර කුමාර දිසානාය මන්ත්රිවරයා විශ්වාසනීත්වය කඩා වැටුනු පාලනයකින් අර්බුදයට විසඳුම් සෙවිය නොහැකි බව පෙන්වා දුන්නේය.
ඔහු මේ බව පැවසූවේ අගමැති රනිල් වික්රමසිංහ විසින් අද (05) පාර්ලිමේන්තුවේදී සිදු කළ කතාවට ප්රතිචාර දක්වමිනි.
තමා විසින් සිදු කළ ප්රකාශයක වාසි කොටස පමණක් අගමැතිවරයා උපුටා දැක්වූ බව කී අනුර කුමාර දිසානායක මන්ත්රීවරයා එසේ වාසි කොටස් උපුටා දැක්වීම අගමැතිවරයාගේ දීර්ඝ කාලීන පුරුද්දක් බව සඳහන් කළේය.
මෙම අර්බුදයට බොහෝ දෙනා ආර්ථික සාධක මත හේතු දක්වන නමුත්, අර්බුදයේ විශාල පංගුවක් නිර්මාණය කර තිබෙන්නේ පවතින දේශපාලන සංස්කෘතිය බවද එම දේශපාලන සංකෘතිය වෙනස් නොකර ආර්ථික සාධක මත පමණක් පිහිටා මෙම අර්බුදයට විසඳුම් සෙවිය නොහැකි බවද ඔහු පෙන්වා දුන්නේය.
ඔය කියන ආකාරයට තමාට රට බාර දෙන්නේ නම් එම දේශපාලන සංස්කෘතිය වෙනස් කිරීමට තමා සූදානම් බවද ඔහු අවධාරණය කළේය.
වසර 40කට වැඩි වැරදි ආර්ථික මාවතේ බිහිසුණුම පිපිරීම සිදුව ඇති මොහොතක, එය මාස හයකින් නැවත ගොඩනැගිය හැකි යැයි තමන් විශ්වාස නොකරන නමුත්, මාස හයක් තුළ ඉන්ධන, ගෑස්, ඖෂධ ලබාදීම ඇතුළු මූලික ගැටලු සඳහා විසඳුම් ලබාදීමෙන් ජනජීවිතය නැවත සාමාන්ය යථාවත් භාවයට පත්කිරීම තමාට කළ හැකි බවද ඔහු අවධාරණය කළේය.
මාස හයකින් රට යථා තත්වයට පත් කිරීමෙන් අනතුරුව, අර්බුදයෙන් ගොඩ ඒම සඳහා මහ මැතිවරණයකට ගොස් විශ්වාසනීය ස්ථාවර පාලනයක් ගොඩනැගිය යුතු බවද ඔහු එහිදී ප්රකාශ කළේය.
අනුර කුමාර දිසානායක මන්ත්රීවරයා ලබා දුන් එම දීර්ඝ පිළිතුර පහත විඩියෝ වේ දැක්වේ.
