හෙට (25) පෙරවරු 10.30 ට ශ්රී ලංකා මානව හිමිකම් කොමිෂන් සභාව ඉදිරියේ පෙනී සිටින ලෙස විදුලිබල හා බලශක්ති අමාත්යාංශයේ ලේකම්වරයාට සහ මහජන උපයෝගිතා කොමිෂන් සභාවේ සභාපතිවරයාට ශ්රී ලංකා මානව හිමිකම් කොමිසම විසින් දැනුම් දී තිබේ.
උසස් පෙළ විභාගය පැවැත්වෙන කාලසීමාව තුළ විදුලිය කප්පාදුව වැළැක්වීමට අවශ්ය පියවර ගන්නා ලෙස ශ්රී ලංකා මානව හිමිකම් කොමිෂන් සභාව විසින් විදුලිබල හා බලශක්ති ලේකම්වරයාට සහ මහජන උපයෝගිතා කොමිෂන් සභාවේ සභාපතිවරයාට කළ දැනුම් දීම නොසලකා හැරීම නිරීක්ෂණය වී ඇති හෙයින් ඔවුන් මෙත මෙම දැනුම් දීම සිදුකර තිබේ.
ශ්රී ලංකා මානව හිමිකම් කොමිෂන් සභාව ඊයේ (23) විදුලිබල හා බලශක්ති ලේකම්වරයාට සහ මහජන උපයෝගිතා කොමිෂන් සභාවේ සභාපතිවරයාට ලිඛිතව දැනුම් දුන්නේ උසස් පෙළ විභාග කාලය තුළ විදුලිය විසන්ධි වීම අපේක්ෂකයින්ගේ අධ්යයනවලට අහිතකර ලෙස බලපෑ හැකි බැවින් විදුලිය විසන්ධි වීම වැළැක්වීමට අවශ්ය පියවර ගන්නා ලෙසයි
2022 උසස් පෙළ විභාගය ඊයේ (23) ආරම්භ වූ අතර එය පෙබරවාරි 17 වැනිදා දක්වා පැවැත්වීමට නියමිතය.
මේ අතර කැබිනට් ප්රකාශකවරයා නිවේදනය කළේ වාභාග කාලය තුළ දෛනික විදුලිය විසන්ධි කිරීම පැය දෙකකට සීමා කරන බවත් එම විදුලි විසන්ධි කිරීම සවස 4න් පසුව සිදුකරන බවත්ය.
විභාගයට පෙනී සිටින සිසුන් සැලකිල්ලට ගනිමින් මෙම තීරණය ගත් බව පැවසූ කැබිනට් ප්රකාශකවරයා පැය දෙකක කාලයක් මෙම විදුලි කප්පාදුව අදියර දෙකකින් සිදුවන බව කීවේය.
කෙසේ වෙතත් අද මහජන උපයෝගීතා කොමිසම නිවේදනය කළේ පැය 2යි මිනිත්තු 20ක විදුලි කප්පාදුවක් සඳහා හෙට සහ අනිද්දා දෙදින තුළ අවසර දුන් බවය.
.
