ලලිත් චාමින්ද –
ඇල්පිටිය ප්රාදේශීය සභාවේ ඡන්දය මේ වනවිට මහමැතිවණයක් තරම්ම උණුසුම්ය. මහ මැතිවරණයට පෙර කරන බලය උරගා බැලීමක සංකේත ප්රකාශනයක් ඇල්පිටිය ප්රාදේශීය සභා ඡන්දයෙන් බලාපොරොත්තු වීම මේ පුංචි චන්දය මහා විසාල එකක් බවට පරිවර්තනය කර ඇත. පොදු ජන එක්සත් පෙරමුණෙන් කැඩී ගොස් වෙනම සන්ධානගත වුන පොදුජන එක්සත් නිදහස් සන්ධානය ස්වකීය කුළුඳුල් දේශපාලන සටනට පිවිසෙන්නේ ඇල්පිටියෙනි. එබැවින් එය ඔවුන්ට මහ ඡන්දයකටත් වඩා වැදගත්ය. පක්ෂයේ ලේකම් රමේෂ් පතිරණම නාම යෝජනා බාරදෙන්නට අද ඇල්පිටියට ආවේය.
පොදුජන පෙරමුණටත් මේ ඡන්දය වැදගත් වන්නේ යළිත් ඔවුන් අලුතින් මුලසිටම ගමනක් ආරම්භ කර ඇති බැවැනි. පොහොට්ටුවෙන් ජනතාව කැඩි ගොස් නැති බව පෙන්නීමට පොහොට්ටුවට මේ පුංචි ඡන්දය වැදගත්ය.
මාලිමාව මහපොළොවේ බලය පිළිබඳ සංකේතයක් සේ ඇල්පිටිය ඡන්දය සලකනු ඇත. අලුත් පරපුර වැනි දේශපාලන පක්ෂ සිය දේශපාලන ගමන අත්හදා බලන පරීක්ෂණයක් ලෙස සලකමින් මෙම පුංචි ඡන්දයට එක් වි සිටියි.
ඇල්පිටියේ ඡන්දය නොකල්හි පැවැත්වෙන්නේ ඇයි?
2018 වසරේ පැවති පළාත් පාලන මැතිවරණය සඳහා ඇල්පිටිය ප්රාදේශිය සභාව වෙනුවෙන් දේශපාලන පක්ෂ 5කින් නාම යෝජනා ඉදිරිපත් කර තිබිණ.
ඒ එක්සත් ජාතික පක්ෂය, එක්සත් ජනතා නිදහස් සන්ධානය, පොදුජන පෙරමුණ, ප්රජාතන්ත්රවාදී එක්සත් ජාතික පෙරමුණ සහ ජනතා විමුක්ති පෙරමුණය.
එහිදී ප්රජාතන්ත්රවාදී එක්සත් ජාතික පෙරමුණේ නාම යෝජනා පත්රය සම්බන්ධයෙන් විරෝධයක් මතුවිය.
පක්ෂය විසින් නම් කරන ලද නියොජිතයා හැර වෙනත් පුද්ගලයෙකු විසින් තේරිම් භාර නිලධාරියා වෙත එම පක්ෂයේ නාමයෝජනා පත්රය භාරදීම මේ විරෝධතාවට මුල් විය.
ඉදිරිපත් වූ එම විරෝධතාව සළකා බැලීමෙන් පසුව එම නාම යොජනා පත්රය ප්රතික්ෂේප කරන ලදි.
අධිකරණය හමුවට
අනතුරුව ප්රජාතන්ත්රවාදි එක්සත් ජාතික පෙරමුණ ශ්රේෂ්ඨාධිකරණයට පෙත්සමක් ගොනුකරමින් තම නාම යෝජනා පත්රය පිළිගන්නා මෙන් නියෝගයක් නිකුත් කරන ලෙසත් එතෙක් මැතිවරණය පැවැත්වීම අත්හිටුවමින් අතුරු තහනම් නියෝගයක් නිකුත් කරන ලෙසත් ඉල්ලා සිටියේය.
පෙත්සම සළකා බැලූ ශ්රේෂඨාධිකරණය එම නඩුව විභාග කර අවසන් වනතුරු ඡන්ද විමසීම තහනම් කරමින් අතුරු තහනම් නියෝගයක් නිකුත් කළේය. ඒ 2018 ජනවාරි 30 වන දිනය.
ඒ අනුව 2018 පෙබරවාරි 10 දින පැවති පළාත් පාලන මැතිවරණයේදී ඇල්පිටිය ප්රාදේශීය සභාවේ ඡන්ද විමසීම නොපැවැත්වින.
අතුරු තහනම් නියෝගය ඉවත් කීරීම
මේ අතර 2019 අගෝස්තු 30 වන දින ශ්රේෂ්ඨාධිකරණය එම අතුරු තහනම් නියෝගය ඉවත් කරමින් ඇල්පිටිය ප්රාදේශිය සභාවේ මැතිවරණය පවත්වන ලෙසට මැතිවරණ කොමිසමට නියෝග කළේය.
ඒ අනුව ඔක්තෝබර් මස 11 වනදින මැතිවරණය පැවැත්වීමට කොමිසම දින නියම කළේය. ඒ අනුව ඇල්පිටිය ප්රදේශිය සභාවේ ධූර කාලයට කල් පිරුණේ ඊයේ ය. ඡන්දය සඳහා අද නාමයෝජනා පත්ර භාරගැනීම අවසන් කෙරුණි.
ඡන්දයට පිළිගත් දේශපාලන පක්ෂ දහයක් සහ ස්වාධීන කණ්ඩායම් දෙකක් ඇප තැන්පත් කර තිබු ණිි.
මින් පක්ෂ නමයක් හා ස්වාධින කණ්ඩායම් දෙකක් නාම යෝජනා ඉදිරිපත් කර තිබු අතර ඉන් ඇප තැන්පත්කර තිබු ප්රජාත්රන්ත්රවාදි ජාතික කොංග්රසය නියමිත වේලාවට පසුව පැමිනිම නිසා නාම යෝජනා දිමට නොහැකිව ආපසු හැරි ගියබවත් ඉදිරිපත්කර තිබු නාම යෝජනා අතරින් ශ්රි ලංකාවේ කොමියුනිස් පක්ෂයේ හා චමින්ද ප්රසාද් උදය කුමාර ඉදිරිපත්කර තිබු නාම යෝජනා පත්ර දෙකක්(2) ප්රතික්ෂේප වු බවත් ගාල්ල දිස්ත්රික් තේරිම්භාර නිලධාරී ඩබ්ලිව් .ඒ. ධර්මසිරි පැවසිය
මෙයට අමතරව දෙවන පරපුර සංවිධානයේ නාම ලේඛණයේ අපේක්ෂකයින් තිදෙනකුගේ(3) හා ජාතික ජනතා පක්ෂයේ දෙදෙනකුගේ (2) ද අපේක්ෂකයත්වයන් අහිමි වු බවද ඔහු පැවසිය.
මෙවර යූ.එන්.පී නෑ
ඒ අනුව ජනසෙත පෙරමුණ , ශ්රී ලංකා පොදුජන පෙරමුණ ,සමගි ජනබල වේගය, , පොදුජන එක්සත් පෙරමුණ ,පොදු ජන එක්සත් නිදහස් සංධානය , ජාතික ජන බල වේගය, ජාතික ජනතා පක්ෂය ,දෙවන පරපුර පක්ෂය සහ ස්වාධීන කන්ඩායම් 01ක් ඇතුළුව කණ්ඩායම් නමයක් තරග බිමට පිවිසි ඇත
ඇල්පිටිය ප්රාදේශීය සභාව සඳහාද එක්සත් ජාතික පක්ෂය ඉදිරිපත් නොවිම විශේෂ සිද්ධියක් වු අතර අළුතින් බිහි වු පොදුජන එක්සත් නිදහස් සංධානය වෙනුවෙන් ද කණ්ඩායමක් ඉදිරිපත් වු අතර එහි නාමයෝජනා භාරදීම සඳහා එහි ලේකම් අමාත්ය රමේෂ් පතිරණ එක්වීම ද කැපිපෙනෙන සිද්ධියක් විය
මෙයට අමතරව පොදුජන එක්සත් පෙරමුණ ද වෙනමම කණ්ඩායමක් ඉදිරිපත් වු අතර එහි ලේකම් රාජ්ය අමාත්ය ලසන්ත අලගියවන්න ද ඊට එක් වී සිටියේය.
ශ්රි ලංකා පොදුජන පෙරමුන වෙනුවෙන් එහි ලේකම් පාර්ලිමේන්තු මන්ත්රි සාගර කාරියවසම් ද එක් වි සිටි අතර සමගි ජන බලවේගය වෙනුවෙන් පාර්ලිමේන්තු මන්ත්රි ගයන්ත කරුණාතිලක හා හිටපු දකුණු පළාත් සභාවේ ප්රධාන අමාත්ය ෂාන් විජය ලාල් ද සිල්වා එක් වී සිටියහ.
ජාතික ජනබලවේගයහි නාම යෝජනා ඉදිරිපත් කිරිම සදහජ එහි ගාල්ල දිස්ත්රික් නායක හිටපු පළාත් සභා මංත්රිවරුන් වන නලින් හේවගේ රත්න ගමගේ සහ නිශාන්ත පෙරේරා ද එක් ව් සිටියහ.
ඇල්පිට්ය ප්රාදේශිය සභාවේ ආසන මට්ටමින් හා සමානුපාත මට්ටමින් මංත්රිවරුන් 28 දෙනකු තොරා ගැනිම සඳහා පැවැත්වෙන මෙම තරගය සඳහා අපේක්ෂකයින් 279 දෙනකු ඉදිරි ඉදිරිපත් වී ඇත. ඒ අතර කාන්තාවන්135කු තරග වැදිමට නියමිතව ඇත
මෙම අවස්ථාවට ගාල්ල පොලිසියේ මුලස්ථානාධිපති එස්.එස්.ජයවිරගේ අධීක්ෂණය යටතේ විශේෂ පොලිස් ආරක්ෂාවක් යොදා තිබු අතර සියළු කටයුතු ඉතා සාමකාමි ලෙසට පැවතින
මේ අතර ආසියානු ජාත්යන්තර නිරික්ෂන නියෝජිතවරියක් ද පැමිණ ඉතිරි තැපැල් ජන්ද දැමිම හා ඇල්පිටිය නාම යෝජනා ගැනිම ගැනද නිරික්ෂණය කරනු ලැබුවාය
