කීර්ති ප්‍රනාන්දු –
සිංහල සිනමාවට දැවැන්ත පහරක් එල්ල වී ඇති බවත් දන් මෙරට සක්‍රීය සිනමා ශාලා ගණන තිස් දෙකක් දක්වා අඩුවී ඇති බවත් චිත්‍රපට නිර්මාණකරුවෝ පවසති.
දිවයින පුරා තිබූ ඉතා ජනප්‍රිය සිනමා ශාලා වැසී ගොස් මේ වන විට සුපිරි වෙළඳසැල් හා වෙනත් ව්‍යාපාර පවත්වාගෙන යන ස්ථාන බවට පත්වී ඇතැයි ද ඔවුහු කියති.
එසේම කොරෝනා වසංගත තත්ත්වය ද සිංහල සිනමා ශාලා වැසී යාමට හේතුවක් වී ඇතැයි පවසන සිනමා නිර්මාණකරුවෝ විද්‍යුත් නාලිකා මඟින් මුළු දවස පුරා අසීමිතව චිත්‍රපට පෙන්වීමත් සිනමා ශාලාවලට ප්‍රේක්ෂකයන් නොපැමිණීමට බලවත් බලපෑමක් කරන බව පවසති.
70 දශකය වන විට මෙරට තුළ සිනමා ශාලා හාරසියයකට අධික ප්‍රමාණයක් තිබූ බවත් එයින් මේ වන විට ඉතිරිව ඇත්තේ සිනමා ශාලා 32ක් බවත් ඔවුහු පෙන්වා දෙති
ඉතා විශාල ලෙස ආදායම් උපයන ල සිනමා ශාලා ලෙස හැඳින්වෙන මාතර බ්‍රෝඩ්වේ, සරසවි ගාල්ල, තුසිත දෙනියාය, ඔසාකා නිට්ටඹුව, නිල්වලා අකුරැස්ස, සීතා පිලිමතලාව, හිමාලි හංවැල්ල, හිමාසා හම්බන්තොට , සමුද්‍ර අම්බලන්ගොඩ, අශෝක වරකපොල, ධනසිරි වරකපොල, තුසිත පේරාදෙණිය , ඉන්ද්‍ර නාරම්වල, ශාන්ති පොල්ගහවෙල මොඩර්න් කුරුණෑගල , නව සිනමා කුරුණෑගල, චාන්දනී වැලිගම, රීගල් නුවර, ජීවන් පානදුර, අනුශා මහරගම, නයෝමි ගම්පහ, මේකලා ගම්පහ , පබ්ලික් හෝල් ගම්පහ, ඕඩියන් ගල්කිස්ස , නිවි රශ්මි රත්නපුර, ශ්‍රී දේවී පිළියන්දල, චන්ද්‍රා අවිස්සාවේල්ල, ඉම්පිරියල් අවිස්සාවේල්ල, ලංකා වාද්දුව, අප්සරා හෝමාගම , ප්‍රියන්ගි හෝමාගම , සමුද්‍ර වත්තල, විජිත රත්මලාන, විලාසනි වැල්ලම්පිටිය, රෝයල් ජයසිරි මට්ටක්කුලිය , රියෝ කොම්පඤ්ඤ වීදිය , මුවිටොන් දළුගම, රිජ්වේ මහබාගේ, මානෙල් දෙමටගොඩ, අශෝකා ග්‍රෑන්ඩ්පාස්, සෙන්ට්‍රල් මරදාන, නිව් ඔලිම්පියා මරදාන, ගාමිණී මරදාන, ක්‍රවූන් මරදාන, කල්පනා කිරුළපන, ට්‍රියෝ දෙහිවල, ලාවිනියා නුගේගොඩ, කුවින්ලන්ඩ් නුගේගොඩ, ඉම්පාලා රාජගිරිය, ෂර්මිලා රාජගිරිය, යන ප්‍රධාන සිනමා ශාලා ඇතුළු තවත් සිනමා ශාලා රාශියක් ඉකුත් වසර කීපය තුළ වැසීයාමට ලක්වූ සිනමා ශාලා බව සිනමා නිර්මාණකරුවෝ පවසයි.
මේ වෙනවිට ශ්‍රී ලංකාවේ සිනමා කර්මාන්තය ලොව 55 වැනි තැනට පත් වී ඇතැයි පවසන සිනමා නිර්මාණකරුවන් ශ්‍රී ලංකාවේ සිංහල සිනමාව නගා සිටුවීමට විශාල වගකීමක් රජය සතු වන බව පවසයි.
