ලලිත් චාමින්ද
ජාතික පාසල්වල වාර්ෂික ස්ථානමාරුකිරිම් ක්රමය මේ වනවිට ක්රියාත්මක වෙමින් පැවතිය ද තවදුරටත් ජාතික පාසල් 146ක වර්ෂ 08ක් 35ත් අතර සේවා කාලයක් සහිත ගුරුවරු 2790 දෙනෙකු සිටින බව ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.
එමෙන්ම ජාතික පාසල් 128ක ගුරුභවතුන් 602කු වෙත පත්විම් ලද විෂයට පරිබාහිරව විෂයන් පවරා ඇති බව ද විගණනයේ දි අනාවරණය වි ඇත. 2019 වර්ෂය වනවිට ගුරු තුළනය නොකිරිම හේතුවෙන් ජාතික පාසල් 143ක විෂයයන් 1490ක පැවති ගුරු ඌනතාවයන් 1859ක් හා විෂයයන් 787ක් වෙනුවෙන් පැවති ගුරු අතිරික්තතාවයන් 1202ක් අවම කිරීමට නොහැකි වී තිබු බව ද විගණන වාර්තාවේ සඳහන් වේ.
එමෙන්ම විවිධ සේවාවන්ට අයන් නිලධාරින් 242 දෙනෙකු අවුරුදු 06 සිට 20 දක්වා කාලයක් ස්ථානමාරුවිම් නොලබා අධ්යාපන අමාත්යංශය තුලම සේවයේ යේදි සිටින බව විගණනයේ දි අනාවරණය කොට ඇත. එමෙන්ම විද්යාපිඨ 14ක අධ්යයන කාර්යමණ්ඩලවල 190 දෙනෙකු විද්යාපිට 15ක අනධ්යයන කාර්යමණ්ඩලයේ 240 දෙනෙකු ද වසර 08කට වඩා වැඩි කාලයක් ස්ථානමාරුව්ම නොලබා එකම ස්ථානයේ සේවයේ නියුක්තව ඇති බවද විගණන වාර්තාවේ දැක්වේ. විද්යාපිඨ 19ක අනධ්යයන කාර්යමණ්ඩල පුරප්පාඩු 376ක් පවතින බවද විගණනයේ දි අනාවරණය වි ඇත.
