ජයකාන්ත ලියනගේ – බළපිටිය
මාදම්පාගම, දේවගොඩ ප්රදේශයේ කැලෑ බද ඉඩමක තිබී අත්බොම්බයක් පාසල් සිසුවෙකු විසින් අහුලාගෙන එය අම්බලන්ගොඩ පොලියට අද (21) සවස බාර දී තිබෙන බව අම්බලන්ගොඩ පොලීසිය කියයි.
මාදම්පාගම, දේවගොඩ සිරි රතන මාවතේ නිවසක පාසල් දරුවෙක් නිවසට යාබද කැලෑ බද ඉඩමකට සරුංගල් සෑදීම සඳහා කිතුල් අතු කපා ගැනිමට ගිය අවස්ථාවේ කුණුගොඩක තිබු බෝලයක් වැනි යමක් අහුලාගෙන තිබෙන බව අම්බලන්ගොඩ පොලීසියේ ප්රකාශකයෙක් සදහන් කළේය.
එම සිසුවාගේ ඥාතියකු එය අත්බොම්බයක් බවට හඳුනාගෙන අම්බලන්ගොඩ පොලිසිය දැනුවත්කර ඇති අතර, ඒ අනුව ක්රියාත්මක වූ අම්බලන්ගොඩ පොලිස් නිලධාරින් පොලිස් විශේෂ කාර්ය බලකා නිලධාරින් කැඳවා එම බෝම්බය නිශ්ක්රීය තත්ත්වයට පත් කිරීමට කටයුතු කළ බවද එම ප්රකාශකයා වැඩි දුරටත් සදහන් කළේය.
බෝම්බය අහුලාගත් දරුවාගෙන් හා නිවැසියන්ගෙන් වැඩිදුර ප්රශ්න කර ඇති අතර ඉදිරි විමර්ශන කිරිම සඳහා අක්රිය කරන ලද අත්බොම්බය පොලිස් භාරයට ගෙන තිබේ.
මෙම අත් බෝම්භය අහුලා ගැනීමෙන් පාසල් දරුවාට මෙහි තිබූ අවදානම පිළිබඳව පැහැදිලි කර දී ඔහුට පොලීසිය විසින් අවවාද කර තිබේ.
බොලයක්යැයි සිතා අහුලාගත් අත්බොම්බය ගැලවිමට උත්සාකර ඇතත් ඒය ක්රියාත්මක නොවිම දරුවාගේ වාසනාවක් බවද පොලිසිය කියයි.
මේ සම්බන්ධයෙන් කිසිවෙකුත් අත්අඩංගුවට ගෙන නොමැති අතර, බලපිටිය මහේස්ත්රාත් වෙත කරුණු ඉදිරිපත් කිරිමෙන් අනතුරුව බොම්බය සම්බන්ධයෙන් ඉදිරි පරීක්ෂණ පවත්වන බව අම්බලන්ගොඩ පොලීසිය කියයි.
අම්බලන්ගොඩ මූලස්ථාන පොලිස් පරීක්ෂක ප්රසන්න ඇල්ගිරියගේ මහතාගේ මෙහෙයවීම මත ඉදිරි පරීක්ෂණ කටයුතු සිදු කරයි.
