පාස්කු ප්රහාරය සම්බන්ධව හෙට අනිද්දා වනවිට යහපත් ප්රවෘත්තියක් එනු ඇති බව ජනාධිපතිවරයා පැවසුවේය. ජනාධිපතිවරයා මේ බව ප්රකාශ කළේ අද (09) දඹුල්ලේ පැවති “රට හදන අපි එකට.. අපි මාලිමාවට…” මහජන රැළිය අමතමිනි.
මේ රටේ සාමාන්ය මිනිස්සු ඝාතනය කළ සියලුම ඝාතකයින් අධිකරණය හමුවට පමුණුවන බවත් නැවත අපේ රටේ සාමාන්ය පුද්ගලයින්ට නිදහසේ ජීවත් විය හැකි වටපිටාවක් නිර්මාණය කරන බවත් ජනාධිපතිවරයා පොරොන්දු වූයේය. දේශපාලකයින් සැමදාම ඔවුන්ගේ ජීවිත පමණක් සුවිශේෂී බවත් සාමාන්ය මිනිස්සුන්ගේ ජීවිත නොවටිනා බවත් කල්පනා කළ ආකාරය පෙන්වූ ජනාධිපතිවරයා මෙම ඝාතනවලට මූලික හේතුව වූයේ ඒ මානසිකත්වය බව පෙන්වා දුන්නේය.
තාජුඩීන් ඝාතනයට වග උතතරකරුවන් නැති බවත්, ලසන්නත වික්රමතුංග ඝාතනය වූ ආකාරය තවමත් නොදන්නා බවත්, එක්නැලිගොඩ සිදුවූයේ කුමක්දැයි කිසිවෙක් නොදන්නා බවත් කී ජනාධිපතිවරයා මේ සියලුම අපරාධ සොයන බව අවධාරණය කළේය. ඒ අපරාධකරුවන්ට දඬුවම් දෙන බවත් සහතික වුනේය.
“දේශපාලන අධිකාරිය ගිනි බිඳින පුරවැසියන් ඝාතනය කරන යුගය අප අවසන් කරනවා. එසේ කරන්න නම් කරපු අපරාධවල ඝාතකයො අධිකරණයට ගේන්න ඕන. පාස්කු ප්රහාරය… හොයනවා මතක තබා ගන්න. කවුරුවත් කලබල වෙන්න එපා. හෙට අනිද්දා වෙනොකට ඔබට හොඳ ප්රවෘත්තියක් දෙකක් එයි ඒ ගැන. මම අද කියලා යන්නම්. ” ජනාධිපතිවරයා පැවසුවේය.
