මහනුවර නගරසභාවේ දූෂණ වංචා සම්බන්ධයෙන් නරගසභා පරිපාලනය ගෙන තිබෙන ක්රියාමාර්ග සොයන්නට පැමිණ මහනුවර මහ නගරසභාවේ මහ ජන මුදලින් සංවිධානය කර තිබූ දිවා ආහාරය භුක්ති විඳි මධ්යම පළාතේ ඉහළ පරිපාලන නිලධාරීන් ඇතුළු සියලුම දෙනාට එම ආහාර වේල සඳහා වූ රුපියල් 2300ක වියදම අතින් ගෙනවන ලෙස මධ්යමපළාතේ ඉහළ පරිපාලනය විසින් නියෝග කර තිබේ.
සිදුව ඇත්තේ සදාචාර විරෝධී ක්රියාවක් බවත් මොනම පදනමකින් බැලුවද එවැනි වියදමක් නගරසභාවට බදු ගෙවන ජනතාවගේ මුදලින් සිදුකිරීම නොකළ යුතු බවත් එම පරිපාලනය විසින් දන්වා තිබේ.
එමෙන්ම දිවා ආහාරය ලබා ගත් එක් එක් පුද්ගලයා ගෙවූ මුදල සහ දිවා ආහාරයට දැරූ වියදම පිළිබඳ පූර්ණ වාර්තාවක් ද සපයන ලෙස නගරසභා පරිපාලනයට ඉහළින් නියෝග කර ඇත.
මහනුවර ඩෙවෝන් හෝටලයට ඇනවුම දී හෝටල් කාර්යමණඩලයේ මෙහෙයවීම සහිතව වසංවිධානය කළ මෙම බුෆේ ආහාර වේල සඳහා ලක්ෂ පහකට ආසන්න මුදලක් නගරසභාව විසින් මහජන මුදලින් ගෙවීමට සැලසුම් කර තිබී ඇත.
මේ ලිපියත් බලන්න…
