පොලිස් ඉතිහාසයේ මෙතෙක් වාර්තා වූ පශ්චාත් මැතිවරණ ප්රචණ්ඩ ක්රියා අඩුම මැතිවරණය ගෙවුනු මැතිවරණය බව වැඩබලන පොලිස්පති ප්රියන්ත වීරසූරිය පවසයි.
ඔහු මේ බව පැවසුවේ නවීකරණය කරන ලද කල්කුඩා පොලිසස් ස්ථානය විවෘත කිරීම සඳහා අද (05) පැවති උත්සවය අමතමිනි.
එහිදී වැඩ බලන පොලිස්පතිවරයා මෙසේ ද පැවසුවේය.ය
“මගේ සේවා කාලය අවුරුදු 36ක්.. අජිත් රෝහණ මහත්තයාගෙත් මගේත් සේවා කාලය සමානයි. මේ කාලය තුළ අපි දැකපු සාමකාමීම නිහඬම පශ්චාත් මැතිවරණය සමය නිරීක්ෂණය කරන්න ලැබුනේ මේ මැතිවරණයෙන් පස්සේ. අපට අලුත් පාඩමක් කියලා දීලා තියනවා වගේම අපට අලුත් සංස්කෘතියක් උදා කරලා දීලා තියනවා. මේ තත්ත්වය ඉතාම ඉහළින් පවත්වා ගත යුතුයි. ඉන් වඩාත්ම පහසුකම් ලබන්නේ වෙන කවුරුවත් නොවෙයි, ශ්රී ලංකා පොලිසිය. ‘
“එම තත්ත්වය ඇති කිරීම සඳහා නායකත්වයේ ඉන්නා හැම දේශපාලඥයෙකුටම ස්තුතිවන්ත විය යුතුයි. මොකද අපට මේ වගේ පශ්චාත් මැතිවරණ ප්රචණ්ඩ ක්රියාවලින් තොර සාමකාමී මැතිවරණ අවස්ථාවක් ලබා දීමට ක්රියා කරපු එකට. ”
“ඒ වගේම පොලිසියේ ඉහළම කාර්යාක්ෂමතාවය පලපුරුද්ද වෘත්තීයමය භාවය ප්රදර්ශනය කරපු මැතිවරණයක් මේක. මේක අද දෙස් විදෙස් නිරීක්ෂණයට සහ ප්රශංසාවට ලක් වෙලා තියනවා. ඒක අපට ආඩම්බරයක්. ”
