ඉන්දියාව හා ශ්රී ලංකාවේ උතුර යාකරමින් ඉදි කිරීමට සැළසුම් කර තිබෙන පාලම ශ්රී ලංකාවේ ආරක්ෂාවට තර්ජනයක් ඇතිවීමේ අවධානමක් සහිත නොවන්නේ මල්වතු පාර්ශවයේ මහා නායක අතිපුජ්ය තිබ්බටුවාවේ ශ්රී සිද්ධාර්ථ සුමංගල මහා නා හිමියෝ ඉන්දීය මහ කොමසාරිස් සන්තෝෂ ජා ගෙන් ප්රශ්න කර සිටියේය.
උන්වහන්සේ මේ බව විමසා සිටියේ ඉන්දීය මහ කොමසාරිස් සන්තෝෂ් ජා ඊයේ (20) පෙරවරුවේ මල්වතු පාර්ශවයේ මහානායක අතිපූජ්ය තිබ්බටුවාවේ ශ්රී සිද්ධාර්ථ සුමංගල මහනාහිමියන් බැහැදැක ආශිර්වාද ලබා ගැනීමට ගිය අස්ථාවේ දී ය.
එම අවස්ථාවේදී ඉන්දීය මහ කොමසාරිස්වරයා කතා කරමින් ශ්රී ලාංකීය ජනතාවගේ සුබසෙත සඳහා ඉන්දීය රජය කිසිදු ආකාරයක භේදයකින් තොරව දිස්ත්රික් 25 තුළම විවිධ ව්යාපෘති ක්රියාත්මක කර තිබෙන බවත් ඉන්දියාව ශ්රී ලංකාවේ වැඩිමහල් සොහොයුරා ලෙස නොව නිවුන් සහෝදරයා ලෙස තමන් සලකන බවත් ප්රකාශ කරමින් මහ කොමසාරිස්වරයා සංවර්ධන ව්යාපෘතියක් ලෙස ඉන්දියාව සහ උතුර යා කරමින් තනන පාලම ගැන මහා නායක හිමියන් දැනුම්වත් කළ අවස්ථාවේ දීය.
ඒ අවස්ථාවේ දී ඉන්දීය මහකොමසාරිස්වරයාගෙන් මල්වතු මහා නා හිමියෝ මේ පාලමෙන් රටට සිදුවන ආරක්ෂක අනතුර ගැන විමසා සිටියහ.
එවිට ඉන්දිය මහ කොමසාරිස්වරයා ප්රකාශ කළේ ශ්රී ලංකාවේ අනාගත දියුණුවට මිස ආරක්ෂාවට මෙම පාලමෙන් ප්රශ්නයක් නොවන බවය.
“මේ වනතුරුත් ප්රශ්නයක් ඇති නොවෙන්නනේ කටයුතු උනේ ?. නේද?.” මල්වතු මහා නායක හිමියෝ විමසා සිටියහ.
අනතුරුව පාලම් ව්යාපෘතිය මගින් ශ්රී ලංකාවට ප්රතිලාභ රැසක් ඇතිවනු ඇති බව ඉන්දීය මහකොමසාරිස්වරයා මහා නායක හිමියන්ට පෙන්වා දී තිබිණි. විශේෂයෙන්ම දෙරට අතර භාණ්ඩ ප්රවාහන ක්ෂේත්රයේ විශාල ප්රගමනයක් මේ පාලමත් සමග ඇති වන බව මහකොමසාරිස්වරයා කියා සිටියේය.
ඉන්දියාවෙන් භාණ්ඩ ලංකාවට එවීම සිදුවිය හැකි දෙයක් නමුත් ශ්රී ලංකාවෙන් ඉන්දියාව වෙත ප්රවාහනය කිරීමට හැකි දෙයක් සම්බන්ධව මේ අවස්ථාවේ සිහියට නොනැගෙන බව ඉන්දීය මහකොමසාරිස්වරයාට මල්වතු මහා නායක හිමියො පැවසූහ.
අනතුරුව මල්වතු මහා නායක හිමියන්ගෙන් සමුගත් ඉන්දීය මහ කොමසාරිස්වරයා ඇතුළු දූත පිරිස අස්ගිරි මහනායක අතිපූජ්ය වරකාගොඩ ශ්රී ඤාණරතන මහනාහිමියන් ද බැහැදැක ආශිර්වාද ලබා ගත්තේය.
