කොටුව මහෙස්ත්රාත් තිළිණ ගමගේ මහතාව ඝාතනය කිරීමේ උත්සාහයක් සම්බන්ධයෙන් කඩිනම් විමර්ශනයක් සිදුකරන ලෙස මහජන ආරක්ෂක අමාත්ය ටිරාන් අලස් මහතා විසින් පොලිස්පති දේශබන්දු තෙන්නකෝන් වෙත උපදෙස් දී තිබේ.
ඔත්තුකරුවෙක් විසින් යොමු කරන ලද ලිපියකට අනුව අමාත්ය ටිරාන් අලස් එම උපදෙස් ලබා දී ඇත.
රාජ්ය ඔත්තුකරුවෙකුට ලැබුණු තොරතුරක් අනුව මහෙස්ත්රාත් තිළිණ ගමගේ ඝාතනය කිරීමට යම් පුද්ගලයෙකු විසින් දුරකථන මාර්ගයෙන් ගිනි අවියක් ඉල්ලා ඇති අතර ඒ අනුව විමර්ශන ආරම්භ කර තිබේ.
ඔත්තුකරුවා විසින් අදාළ පුද්ගලයාගේ දුරකථන අංක සහිතව විස්තර දක්වා ඇති අතර එම දුරකථන අංක සම්බන්ධයෙන් විමර්ශන සිදුකරන අතර, ගිනිඅවිය ඉල්ලා ඇත්තේ තිළිණ ගමගේ විසින් පසුගිය කාලයේ දුන් අධිකරණ නියෝග හේතුවෙන් ඔහු ඉවරයක් කළ යුතු බව පවසමිනි.
අදාළ ඝාතනයෙන් අනතුරුව මහජන ආරක්ෂක අමාත්ය ටිරාන් අලස් මහතා පොලිස්පති දේශබන්දු තෙන්නකෝන් විසින් ගෙන යන යුක්තියේ මෙහෙයුම පහරක් වදිනූ ඇති බවත් එය අඬාල කර ඔවුන් අපකීර්තියට පත් කිරීම මෙහි තවත් අරමුණක් බවත් එම ඔත්තුකරුවා වැඩිදුරටත් දැනුම් දී තිබේ. – දෙරණ
