ව්යාපාරික දිනේෂ් ෂාෆ්ටර් ගේ මරණය, ගෙල සහ මුහුණ මත ඇති වූ පීඩනයක් හේතුවෙන් සිදු වී ඇති අතර එය ඝාතනයක් බවට කොළඹ මහේස්ත්රාත් අධිකරණය අද (01) තීන්දු කළේය.
පංච පුද්ගල අධිකරණ වෛද්ය විශේෂඥවරුන් විසින් ලබා දුන් විද්යාත්මක අධිකරණ වෛද්ය වාර්තාව මත පදනම්ව කොළඹ මහේස්ත්රාත් අධිකරණය අද මෙම නියෝගය ලබා දුන්නේය.
ඒ අනුව ඊට සම්බන්ධ සැකකරුවන් අත්අඩංගුවට ගෙන අධිකරණයට ඉදිරිපත් කරන ලෙස අපරාධ පරීක්ෂණ දෙපාර්තමේන්තුවේ අධ්යක්ෂවරයාට අධිකරණයෙන් නියෝග කළේය.
සිය දිවි නසා ගැනීම් පිළිබඳ කතා, සයනයිඩ් කෑම සම්බන්ධව කතා ඉදිරිපත් කරමින් පොලිසියත්, අතිශයින්ම විසිලු සහගත රහුල් හක් ගේ අධිකරණ වෛද්ය වාර්තාවත් පදනම්ව සිය දිවි හානි කරගැනීමක් ලෙස තීන්දු කරීමට උත්සාහ කළ මෙම මිනී මැරුම සම්බන්ධ ගැටලු විසඳා විද්යාත්මක අධිකරණ වෛද්ය වාර්තාවක් ලබා ගැනීමට ලංකාවේ විශිෂ්ඨතම අධිකරණ වෛද්ය විශේෂඥවරුන් ගෙන් සමන්විත පංච පුද්ගල විශේෂඥ වෛද්ය කමිටුවක් සම්බන්ධව නියෝග කරනු ලැබුවේ කොළඹ අතිරේක මහේස්ත්රාත් රජින්ද්රා ජයසූරිය විසිනි
