උදරාබාධයක් හේතුවෙන් පේරාදෙණිය ශික්ෂණ රෝහලට ඇතුළත් කිරීමෙන් අනතුරුව ලබා දුන් කෙෆ්රිඇක්සෝන් (Ceftriaxone) ප්රතිජීවක ඖෂධය අසාත්මික වීම නිසා මරණයට පත්වුන පොත්තපිටිය තරුණ දියණියගේ මරණයෙන් පසු එම ඖෂධයම ලබා දීම නිසා අසාත්මිකතාවයට මුහුණ දුන් කාන්තාවක් මහනුවර ජාතික රොහලේ දැඩිසත්කාර එක්කයේ ප්රතිකාර ගනිමින් සිටින බව සමස්ථ ලංකා හෙද සංගමයේ සභාපති රවීන්ද්ර කහඳආරච්චි ලංකාසරට පැවසීය.
මෙම මාරාන්තික අසාත්මිකතාවයට ලක් වී ඇත්තේ මහනුවර ජාතික රෝහලේ වාට්ටු අංක 31හි ප්රතිකාර ගනිමින් සිටි එම්.ජී අනුලාවතී නැමැති කාන්තාවකි.
එන්නත ලබා දීමෙන් අනතුරුව මරනාසන්න අසාත්මිකතාවට පත් කාන්තාවට පසු ප්රතිකාර ලබාදී මරණයෙන් ගලවා දැඩි සත්කාර ඒකකට ඇතුළු කිරීමට වෛද්යවරු පියවර ගෙන ඇත.
පේරාදෙණිය රෝහලේ දී මරණයට පත් වුන චමෝදි සංදීපනි මධුෂිකා ජයරත්න තරුණ දියණියගේ මරණය ගැන කළ පැහැදිලි කිරීමේ දී වෛද්ය විශේෂඥයන් කීවේ ඉතා කළාතුරකින් මෙවැනි අසාත්මිකතා වාර්තාවන බවත් එයට කළ හැකි දෙයක් නොමැති බවත්ය.
