ෆෙරාරි ලයිෂන් සහිත පළපුරුදු රියදුරා ඊයේ අල් ජසීරා සමග ගැටී ඇතිවුන අනතුරු සම්බන්ධව ස්වකීය කණගාටුව ප්රකාශ කරමින් ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක අද මහාමාර්ග, වරාය සහ සිවිල් ගුවන් සේවා අමාත්යාංශයේ වැය ශීර්ෂ කතාව රජය පැත්තෙන් ආරම්භ කළේය.
හිටපු ජනාධිපති රනිල් වික්රමසිංහ අල් ජසීරා නාලිකාමේ මෙහ්ඩි හසන් සමග කළ සම්මුඛ සාකච්ඡාවක් ඊයේ (07) විකාශනය වීමත් සමග උණුසුම්කාරී තත්ත්වයක දේශපාලන ක්ෂේත්රය තුළ ඇති විය.
බිමල් රත්නායක අමාත්යවරයා සිය කතාව ආරම්භ කළේ මෙසේය.
අපට අද විවාදය පටන් ගන්න වෙන්නේ බොහෝම කණගාටුදායක ප්රවෘත්තියකින්. ලඟදිම සිදුවෙච්චි මාරක රිය අනතුරක් පිළිබඳව දැනුම් දීමෙන්.
අර ෆෙරාරි ලයිෂන් එකක් තියනවා කියපු කෙනා අල්-ජසීරා එකේ හැප්පිලා කුඩුපට්ටම් වෙලා තියෙන්නේ. එතුමාගේ මොළයට සෑහෙන්න ඩැමේජ් වෙලා තියනවා. එතුමා මේ දවස්වල විකාර කියවනවා. ඒ නිසා ප්රවාහන අමාත්යාංශයේ විවාදය මම හිතනවා ෆෙරාරි ලයිෂන් එක තියනවා කියලා කියන කෙනාට කණගාටුව ප්රකාශ කරන්න කැමතියි ඒ වෙච්චි අකරතැබ්බය ගැන.
බිමල් රත්නායක ඇමතිවරයා පාර්ලිමේන්තුවේ දී කීවේය.
ඊයේ හිටපු ජනාධිපති රනිල් වික්රමසිංහ සහ අල් ජසීරා පුවත් සේවය අතර ඇතිවුන සම්මුඛ සාකච්ඡාව දැඩි ආන්දෝලනයට තුඩු දුන්නේය. අල් ජසීරා මාධ්ය වේදියා විසින් පාස්කු ප්රහාරය පිළිබඳව, බටලන්ද වධකාගාරය සම්බන්ධව, යුද අපරාධ සම්බන්ධව, අරගලය මර්ධනය කළ ආකාරය පිළිබඳව මහින්ද රාජපක්ෂ සහ ගෝඨාභය රාජපක්ෂ පාලනයේ දූෂණ යට ගැසීම සම්බන්ධව කළ ප්රශ්න කිරීම්වලට හිටපු ජනාධිපතිවරයා විසින් ලබා දුන් පිළිතුරු දැඩි ආන්දෝලනයක් ඇති කළේය. එහිදී පාස්කු ප්රහාරය ගැන මැල්කම් කාදිනල් රන්ජිත් හිමිපාණන් විකාර කියවන බවත් කතෝලික පල්ලියේ දේශපාලනයක් ඇති බවත් හිටපු ජනාධිපතිවරයා පැවසුවේය.
කෙසේ වෙතත් හිටපු ජනාධිපති රනිල් වික්රමසිංහ අල්ජසීරා මාධ්ය නාලිකාව සමග කළ සම්මුඛ සාකච්ඡාව සම්බන්ධව ඊයේ හවස ප්රකාශයක් නිකුත් කරමින් පැවසුවේ පැය දෙකක් තමන් සමග කළ සම්මුඛ සාකච්ඡාව ඔවුන් විසින් පැයකට සංස්කරණය කර ඇති බවය.
බහුතරයක් බෞද්ධ ජනතාව සිටින ශ්රී ලංකාවේ ප්රධාන ආගමික නායක මල්වතු මහා නා හිමි බවට තමා කළ ප්රකාශය අල් ජසීරා සම්මුඛ සාකච්ඡාව ප්රචාරය කිරීමේදී සම්පූර්ණයෙන්ම කපා දමා ඇතැයි ද, ඉහත සාකච්ඡාවේදී ප්රශ්න විමසීම සඳහා තමාට නොදන්නවා එල්.ටී.ටී.ඊ සංවිධානයේ දෙදෙනකුම යොදවා සිටියේ යැයිද රනිල් වික්රමසිංහ වැඩිදුරටත් වැඩිදුරටත් කීය. කිසිම අවස්ථාවක තමන් ප්රශ්න මගහැර නොගිය බවද ඔහු පැවසුවේය.
