ජනාධිපතිවරයා සහ ඔහුගේ නියෝජිතයා දූෂිත ක්රිකට් පාලක මණ්ඩලය පාර්ශවයේ හිටගෙන සිටිද්දී ක්රීඩා ඇමතිවරයා සිදුකරන මේ නිර්භීත අරගලයට ඉතාම ගෞරවයෙන් ස්තුති කරන නමුත් එතුමා පත් කළ අතුරු පාලක මණ්ඩලය බරපතල ප්රශ්නාකාරී තැන් සහිත බව ජාතික ජනබලවේගයේ පාර්ලිමේන්තු මන්ත්රී විජිත හේරත් පැවසුවේය.
“ මේ අතුරු කමිටුවට විජේදාස රාජපක්ෂ ඇමතිතුමාගේ පුතාව පත් කළේ ඇයි?. මුසම්මීල් ආණ්ඩුකාරතුමාගේ පුතාව පත් කළේ ඇයි? ආයේ ධර්මදාස පවුලේ කෙනෙක්ව පත් කළානේ. ජයන්ත ධර්මදාස බෝඩ් එකේ හිටියා. උපාලි ධර්මදාස මේකට පත් කළා. අර්ජුණ රණතුංග දක්ෂ ක්රීඩකයෙක්. 96 ලෝක කුසලානය ලංකාවට ගේන්න මුල් වුන රටම ආදරය කරන ක්රීඩකයෙක්. නමුත් ඔබතුමාට තිබුණෙ ක්රිකට් අතුරුපාලක මණ්ඩලයට අර්ජුන රණතුංග පත් කරන්නෙ නැතිව ඉන්න.”
ප්රධාන ප්රශ්නය තියෙන්නේ ක්රිකට් පාලක මණ්ඩලය අරක් අරන් තියෙන්නේ පවුල් කීපයක්. පොඩ්ඩක් බලන්න. සුමතිපාල පවුල කාලයක් මේ ක්රිකට් බෝඩ් එකේ ආධිපත්ය දැරුවා. ධර්මදාසා පවුල. ඊට පස්සේ කණගාටුයි කියන්න රණතුංග පවුල.
ප්රසන්න රණතුංග මහත්මයා උප සභාපති වෙලා හිටියා කියලා එතුමම කිව්වා. නිශාන්ත රණතුංග ලේකම්. අර්ජුණ රණතුංග දක්ෂ ක්රීඩකයෙක්. එතුමා සම්බන්ධව රටේ ජනතාවගේ ආදරයක් තියනවා. හැබැයි පරිපාලනයට එතුමා දක්ෂ ද නැද්ද කියන එක වෙනම විවාදයක්. එතකොට රණතුංග පවුල, ධර්මදාස පවුල සහ සුමතිපාල පවුල විතර ද ක්රිකට් පරිපාලනය දරන්න ඕන.
ක්රීඩා ඇමති තුමනි. ඔබතුමා ෆයිට් කරපු එක හොදයි… ඒකට ස්තුතියි. නමුත් අතුරු පාලක මණ්ඩලය පත් කරපු එකේදි ඔබතුමාගේ අවංකකම සහ නිර්භීතකම අරන් වෙන කවුරුහරි ගේමක් ගහපු බවක් පේනවා.
ශ්රී ලංකා ක්රිකට් පාලක මණ්ඩලය සම්බන්ධව වෝහාරික විගණනයක් සිද්ධ වූ බවත් එය කෝප් කමිටුවට ඉදිරිපත් වී තිබෙන නමුත් දේශපාලන වෙනස්වීම් මත එම විමර්ශන සිදු නොවුන බවත් විජිත හේරත් පැවසුවේය.
