ලලිත් චාමින්ද –
-
හිටපු අධ්යාපන ලේකම් සිසුන් ඇතුළත් කරන්න විදුහල්පතිවරුන්ට ලියුම් 3,308ක් නිකුත් කරලා… ඉන් සියයට 72ක් දේශපාලකයින් ඇතුළු බලවතුන්ගේ නියෝග
-
වත්මන් අධ්යාපන ලේකම්වරයාත් අතරමැදි පන්තිවලට සිසුන් ඇතුළත් කිරීම තහනම් කළ 2022 මැයි 31ට පසු ලියුම් දී සිසුන් 378ක් ඇතුළත් කරගෙන…
අධ්යාපන අමාත්යංශයේ ලේකම්වරයා විසින් චක්රලේඛ මගින් හදුන්වා දි ඇති විධිමත් ක්රම වේදයන්ගෙන් බැහැරව විදුහල්පතිවරුන් අමතා නිකුත් කරණු ලැබු ලිපි උපයෝගිකරගෙන අතරමැදි ශ්රේණි සඳහා 2020 ජනවාරි 01 සිට 2022 මැයි 31 කාලය තුළ සිසුන් 2237 දෙනෙකු ඇතුළත් කරගැනිමට එම ජාතික පාසල්වල විදුහල්පතිවරුන්ට සිදුවි තිබු බව ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සදහන් වේ.
මෙසේ අතිශය ජනප්රිය පාසල් 34ක් ඇතුළු පාසල් 41ක් සදහා සිසුන් ඇතුළත් කරගෙන තිබු අතර එවකට අධ්යාපන අමාත්යංශයේ සිටි ලේකම්වරයා විසින් විවිධ පාර්ශවයන්ගේ ඉල්ලිම් නිර්දේශයන් හා අභියාචනයන් හා නියෝග ආදි ලිපිමත මෙම ලිපි නිකුත්කොට තිබුණි.
විධිමත් ක්රමවේදයෙන් බැහැරව අධ්යාපන අමාත්යංශයේ ලේකම්වරයා විසින් සිසුන් ඇතුළත් කරගැනිම සදහා ලිපි 3,308ක් නිකුත්කොට තිබුණි. එසේ නිකුත්කරණු ලැබු ලිපි අතුරින් ලිපි 2367ක් එනම් සියයට 72ක ප්රමාණයක් රජයේ ඇමතිවරුන්, මහජන නියෝජිතයින්, දේපාර්තමේන්තු ප්රධානින්, ජනාධිපති කාර්යාලය, අගමැතිකාර්යාලය ආදි විවිධ තැනැත්තන් වෙතින් ලද ඉල්ලිම් නිර්දේශයන් අභියාචනයන් හා නියෝග අනුව නිකුත් කරණු ලැබු ලිපි බව විගණනය මගින් අනාවරණය කොට ඇත.
අධ්යාපන අමාත්යංශයේ ලේකම්වරයා විසින් සිසුන් ඇතුලත්කරගන්නා ලෙස කොන්දෙසි රහිත ලිපි 1460ක් නිකුත්කොට තිබුනි.
එමෙන්ම අතරමැදි ශ්රේණි සදහා සිසුන් ඇතුළත්කරගැනිම 2022 මැයි මස 23 දින සිට තාවකාලිකව අත්හිටුවන බව දන්වා තිබුණි.
එහෙත් 2022 මැයි 23 දින සිට 2022 ඔක්තෝබර් මස 31 දින දක්වා කාලය තුළ වර්තමාන ලේකම්වරයා විසින් ලබාදුන් ලිපි මත ජනප්රිය පාසල් 09ක් සදහා සිසුන් 275 දෙනෙකු සහ කොළඹ දිස්ත්රික්කයේ ජනප්රිය පාසල් 07ක් සදහා මෙම වර්ෂයේ (2023) අප්රේල් මස 26 සිට ජුලි මස දක්වා කාලය තුල සිසුන් 103 දෙනෙකු ඇතුළත්කොට ඇති බවද විගණන වාර්තාවේ සඳහන් වේ.
මෙම තත්ත්වය නිසා අනුග්රහයන් නොමැති දෙමව්පියන්ගේ සහ සුදුසුකම් සපුරාලන සිසුන්ට ජනප්රිය ලෙස හදුනාගෙන ඇති ජාතික පාසලකට ඇතුළත්විමේ සම ප්රවේශ අවස්ථාව අහිමිවි ඇති බවද විගණනය මගින් අනාවරණය කොට තිබුණි.
