සූරියවැව නුවන් ජයසේකර –
-
හම්බන්තොට දේශපාලනඥයෙකුගේ උවමනාවට හම්බන්තොට හිටපු දිස්ත්රික් ලේකම් වරයා බලය අවභාවිතා කරලා.
-
දින තුනක් සිරගත කිරිමට පියවර ගැනීම හා මානසික පීඩාවට පත් කිරිමට එරෙහිව තිදරු පියෙකු මානව ගිහින්…
-
දිස්ත්රික් ලේකම් වරයා කිසියම් පාර්ශවයක් සතුටු කරන්න කටයුතු කර ඇති බව පැහැදළියි.එනිසා මේ සදහා අවශ්ය සියළු නිති ආධාර ලබා දෙන බව හම්බන්තොට මානව හිමිකම් ප්රථමාධාර මධ්යස්ථානය කියයි.
හම්බන්තොට හිටපු දිස්ත්රික් ලේකම් වරයා විසින් ඔහුගේ බලය අයුතු ලෙස භාවිතා කරමින් එක්තරා දේශපාලනඥයෙකුගේ කීමට තමන්ව දැඩි මානසික පීඩනයකට පත් කළ බවත්, තමන් සේවය කළ ආයතනයද තමන් නොමැති අවස්ථාවක වෙනත් ආයතනයකට පවරමින් තමන්ව මහ පාරට ඇද දැමූ බවත් හා ඉන් තමන්ට සිදු වු අගතිය සම්බන්ධයෙන් පැමිණිළි කිරිමට හම්බන්තොට පරිපාලන සංකීර්ණයේ පිහිටි කම්කරු කාර්යාලයට ගිය අවස්ථාවේ දිස්ත්රිත් ලේකම් වරයා විසින් තමන්ට බොරු චෝදනා නගමින් දින තුනක් රක්ෂිත බන්ධනාගාර ගත කිරීමෙන් තමන්ගේ මුලික අයිතිවාසිකම් කඩ වි ඇති බැවින් ඒ සදහා නීති සහාය ලබාදෙන ලෙසත් ඉල්ලා මහින්ද ජයවික්රම බණ්ඩාර නැමති තිදරු පියෙකු විසින් හම්බන්තොට මානව හිමිකම් ප්රථමාධාර මධ්යස්ථානය වෙත ලිඛිත පැමිණිල්ලක් සිදුකර ඇති බව එහි සම්බන්ධීකාරක තරංග එල් පටබැදි අද (17) ප්රකාශ කළේය.
අංක 67/ජී, ගල්මඩුව වත්ත පාර, නව නගරය, කුණ්ඩසාලේ පදිංචි 52 හැවිරිදි පිලිප්පු විතාන මහින්ද ජයවික්රම බණ්ඩාර නැමති තිදරු පියෙකු විසින් පසුගිය 14 වන දින හම්බන්තොට මානව හිමිකම් ප්රථමාධාර මධ්යස්ථානය වෙත මෙම ලිඛිත පැමිණිල්ල සිදුකළ බව එහි සම්බන්ධීකාරක වරයා පැවසුවේ.
පැමිණිළිකරු වන මහින්ද ජයවික්රම බණ්ඩාර 2018.02.01 දින සිට බදගිරිය යොවුන් සංවර්ධන අධ්යාපන නිකෙතනය හා වෘත්තීය පුහුණු ආයතනයේ කළමණාකරුව කටයුතු කළ බවත්, එය නෙදර්ලන්ත ආධාර මත ක්රියාත්මක වූ බවත් ලිඛිත පැමිණිල්ලේ දක්වා තිබේ.
ඔහු එහි කළමනාකරුව සිටියදි හම්බන්තොට එක්තරා දේශපාලනඥයෙකු විසින් මෙම ආයතනය පවරා ගැනීමට උත්සාහ කළ බවත්, ඒ සදහා හම්බන්තොට හිටපු දිස්ත්රික් ලේකම් වරයා වන එච්.පී.සුමනසේකර දිගින් දිගටම කටයුතු සකස් කරමින් තමන්ව දැඩි පිඩනයට ලක් කරමින් සිටි බවත්, පසුව තමන් ආයතනයේ සිට නිවාඩුවට නිවසට ගිය අවස්ථාවේ දිස්ත්රික් ලේකම් වරයා අනීතික ලෙස මෙම ආයතනය අත්පත් කරගෙන වෙනත් පාර්ශවයකට පැවරීමට කටයුතු කළ බවත් පැමිණිලිකරු කියයි.
,තමන්ගේ යට ඇදුමේ සිට සියළුම ඇදුම් පැළදුම් හා සියළු ලේඛනද ලබා නොදී තමන්ට ආයතනයට ඇතුළු විමට නොදී දැඩි ලෙස මානසික පීඩාවට පත් කළ බවත් පැමිණිලකරු සිය පැමිණිල්ලේ දක්වා තිබේ.
දිගින් දිගටම තමන්ට සිදු වු අසාධාරණකම් සම්බන්ධයෙන් හම්බන්තොට පොලිසියටද පැමිණිළි කිහිපයක්ම කර ඇති නමුත් දිස්ත්රික් ලේකම්වරයා විසින් සිය බලය භාවිතා කරමින් ඒවාද යට ගැසූ බවත්, එලෙස තිබියදි තමන්ට සිදු වු අසාධාරණය සම්බන්ධයෙන් 2024.05.31 වන දින පැමිණිල්ලක් කිරීමට හම්බන්තොට පරිපාලන සංකීර්ණයේ පිහිටි කම්කරු කාර්යාලයට ගිය අවස්ථාවේ දී දිස්ත්රික් ලේකම් වරයාගේ නියෝග මත කාර්යාලයේ ආරක්ෂ නිළධාරීන් විසින් තමන්ට කාර්යාලයට ඇතුළුවිමට නොදී කාර්යාලයට අයුතු ඇතුළු වීම යන චෝදනා ගොනු කරමින් හම්බන්තොට මහේස්ත්රාත් අධිකරණයට ඉදිරිපත් කර දින තුනක් රක්ෂිත බන්ධනාගාර ගත කිරීමට පියවර ගත් බවත් ඔහු දන්වා සිටින්නේය.
තමන්ට සිදු වු අසාධාරණයකදී ඒ සම්බන්ධයෙන් විමසිමට හා පැමිණිළි කිරිමට පුරවැසියන්ට රජයේ ආයතනයකට යාමට අවසර තිබිය යුතු නමුත් දිස්ත්රික් ලේකම් වරයා මෙහිදී කටයුතු කර ඇතැයි කියන ආකාරය සම්බන්ධයෙන් ගැටලුවක් ඇති බැවින් ඉදිරිපත් වු ලිඛිත පැමිණිල්ලට අනුව ඉදිරියේදී ඊට අවශ්ය නිති ආධාර ලබාදීමට කටයුතු කරන බව හම්බන්තොට මානව හිමිකම් ප්රථමාධාර මධ්යස්ථානයේ සම්බන්ධීකාරක තරංග පටබැදි වැඩිදුරටත් පැවසිය.
කෙසේ නමුත් මේ වන විට හම්බන්තොට දිස්ත්රික් ලේකම් වරයා මැතිවරණ කොමිෂන් සභාව විසින් ඉදිරිපත් කළ ඉල්ලීමක් සැළකිල්ලට ගනිමින් කැබිනට් මණ්ඩලයේ අනුමැතිය ඇතිව වහාම ක්රියාත්මක වන පරිදි අධිකරණ, රාජ්ය පරිපාලන හා ස්වදේශ කටයුතු අමාත්යංශය වෙත ස්ථාන මාරුකර යවා තිබේ.
එමෙන්ම දිස්ත්රික් ලේකම් වරයාගේ ක්රියාකළාපය සම්බන්ධයෙන් ඔහුට එරෙහිව ජනාධිති ලේකම් කාර්යාලයේ PS/PR/09/451053 ලිපි ගොනු අංකය යටතේ හා අග්රාමාත්ය කාර්යාලයේ PMO/PRD/02/15/05/47897 ලිපි ගොනු අංකය යටතේද විශේෂ විමර්ශන දෙකක් ආරම්භ කෙරුණු නමුත් ඒවාද සිය දේශපාලන බලය භාවිතා කරමින් ඔහු යට ගසා ඇතැයි ද වාර්තා වේ.
එමෙන්ම ඔහු හම්න්තොට දිස්ත්රික් ලේකම් ධුරයේ කටයුතු කරන සමයේ සිදුකර ඇති මුදල් අවභාවිතා කිරීම් හා අනීතික ක්රියා සම්බන්ධව ජාතික විගණන වාර්තා මගින් පැහැදිළිව දක්වා තිබේ. නමුත් මෙම චෝදනා සම්බන්ධයෙන් මෙතෙක් සාධාරණ පරීක්ෂණයක්ද සිදු වි නොමැති බවද අනාවරණය වී ඇත.
