ලලිත් චාමින්ද –
-
රජයේ කිසිදු ගිණුමක ණය මුදල් ඇතුළත් කර නැහැ.
-
ණය මුදලට අදාල විදේශ විනිමය අලාභය රුපියල් මිලියන 65,618යි.
-
ගෙවිය යුතු ණය මුදල රුපියල් මිලියන 165,483.ක්.
හම්බන්තොට වරාය ඉදිකිරිම සදහා ලබාගෙන තිබු විදේශිය ණය වලින් වරාය අධිකාරියේ ගිණුම්වල ඉතිරිව පැවති රුපියල් මිලියන 147,746 ක් වු, ණය හා පොලී මුදල මහා භාණ්ඩාගාරයේ එකඟතාවයකින් හෝ කැබිනට් මණ්ඩලයේ අනුමැතියකින් තොරව අධිකාරිය විසින් සිය මුල්ය ප්රකාශන වලින් ඉවත්කොට තිබු බව ජාතික විගණන කාර්යාලය පවසයි.
2017 වර්ෂයේ නොවැම්බර් මස 30 දිනට අධිකාරියේ ගිණුම්වල තිබු ණය හා පොළි මුදල මුල්ය ප්රකාශනවලින් ඉවත්කොට තිබු අතර එම දිනෙන් පසු රජයේ කිසිදු ගිණුමක එම ණය මුදල ඇතුළත්ව නොතිබුණි.
මෙකී ණය මුදලට අදාලව 2017 වර්ෂයේ නොවැම්බර් මස 30 වැනිදින සිට 2020 දෙසැම්බර් මස 31 වැනිදින දක්වා කාලය තුළ විදේශ විනිමය පරිවර්තන අලාභය රුපියල් මිලියන 65,618ක් බවද විගණනය මගින් අනාවරණය කොට ඇත.
කෙසේවුවද ″ හම්බන්තොට,වරාය, සහන ගිවිසුම“ නැමති අමාත්ය මණ්ඩල සංදේශයට අනුව 2017 වර්ෂයේ අගෝස්තු මස 04 වැනි දින ලබාදී තිබු අමාත්ය මණ්ඩලයේ අනුමැතිය අනුව ණය හා පොළි ආපසු ගෙවිම මහා භාණ්ඩාගාරය සතුවේ.
ඒ අනුව විදේශ සම්පත් දෙපාර්තමේන්තුව විසින් 2017 වර්ෂයේ සිට ණය වාරික හා පොළිගෙවා තිබුණි. ඉකුත් වර්ෂයේ (2021) දෙසැම්බර් මස 31 දිනට තවදුරටත් ගෙවිය යුතු ණය රුපියල් මිලියන 165,483ක් බවද විගණන වාර්තාවේ සඳහන් වේ.
මුදල් අමාත්යංශයේ ලේකම්වරයා විසින් අවස්ථා කිහිපයකදී වරාය අධිකාරියේ සභාපතිවරයා වෙත මෙකී ණය මුදල අධිකාරියේ පොත්වලට අතුළත් කරගන්නා ලෙස දැනුම් දි තිබුණි.
කෙසේවුවද ඉකුත් වර්ෂය (2021) අවසන් වනවිටද ණය ශේෂය හා අදාල විදේශ විනිමය අලාභය ගිණුම්ගත කිරිමට ශ්රිලංකා වරාය අධිකාරිය හෝ මහා භාණ්ඩාගාරය විසින් කටයුතු කර නොතිබුණි.
ශ්රි ලංකා වරාය අධිකාරිය සම්බන්දයෙන් 2021 වර්ෂයට අදාලව මෙකී විගණන වාර්තාව නිකුත්කොට තිබුණි.
