ශ්රියානි විජේසිංහ –
-
චර්ම රෝග සායනවලට එන සියයට 10ක් දෙනා හම සුදුවන ක්රිම් ගාලා වැඩ වැරදුන කට්ටිය බව චර්ම රෝග විශේෂඥවරු කියති..
සම සුදුවීම සඳහා භාවිත කරන විවිධ ආලේපනයන් හී අන්තර්ගත රසදිය සාන්ද්රණය ඉතා අධික බැවින් එය වකුගඩු රෝග ඇති කිරිමට හේතුවක් වී ඇතැයි චර්ම රෝග විශේෂඥවරු පෙන්වාදෙති.
රසදිය සාන්ද්රණය ඉතා අධික ආලේපනයන් මුලු සිරුර පුරා ආලේප කිරිමට බොහෝ අය පුුරුද්දක් කරගෙන ඇති බැවින් එම ආලේපනයන් හී අන්තර්ගත රසදිය සම හරහා රුධිර සංසරණ පද්ධතියට එකතු වී වකුගඩු රෝග ඇති කිරීමට සමත් විමද වකුගඩු රෝගීන්ගේ සංඛ්යාව ඉහළ යාමට හේතුවක් වී ඇති බව කොළඹ ජාතික රෝහලේ චර්ම රෝග විශේෂඥ වෛද්ය ඉන්දිරා කහවිට ඊයේ (3) සෞඛ්ය ප්රවර්ධන කාර්යාංශයේ පැවති මාධ්ය හමුවකදී සඳහන් කළේය.
රසදිය අන්තර්ගත ආලේප භාවිත කිරීමෙන් පිළිකා රෝග වැළදීමට ප්රථම වකුගඩු රෝග ඇතිවීම අවදානම ඉක්මන් විය හැකි බවද ඇය පෙන්වාදේ.
දිනකට චර්ම රෝග සායනය වෙත ප්රතිකාර ලබා ගැනීමට පැමිණෙන රෝගීන්ගෙන් සියයට 10ක් පමණ සුදුවීම සඳහා භාවිත කළ ආලේපන හේතුවෙන් කිසියම් සමේ අසාත්මිකතාවක් ඇති වූ අය බවද ඇය සදහන් කරයි.
සුදුවීම සඳහා ක්රීම් භාවිත කළ බොහෝ පිරිසක් සායන වෙත පැමිණෙන බවත් ඒ අයගේ අත්ල , පතුල් කළු පැහැ ගැන්වි ඇති බවත් නියපොතු දුඹුරු පැහැයකින් තැඹිලි පැහැයකින් දිස්වෙන බවත් පෙන්වා දෙන විශේෂඥවරිය මෙවැනි තත්ත්වයන් පෙරට වඩා දැන් දැන් වැඩිවෙමින් පවතින බවද පැවසුවාය.
රසදිය භාවිත මුළුමනින්ම ශුන්ය කිරීම සඳහා ලෝක සෞඛ්ය සංවිධානය සහා ශ්රී ලංකා සෞඛ්ය අමාත්යාංශය අතර වැඩපිළිවෙළක් ක්රියාත්මක වෙමින් පවතින බවද ඇය සදහන් කළාය.
