ශ්රියානි විජේසිංහ –
ලබන වර්ෂයට අවශ්ය කරන ඇස්තමේන්තු සකස් කොට අදාළ ආයතන සඳහා ප්රසම්පාදන යාන්ත්රණය මේ දක්වා ආරම්භ කිරීමට සෞඛ්ය අමාත්යංශය කටයුතු කර නොමැති බැවින් ලබන වසරේදී රට තුළ උග්ර ඖෂධ හිඟයක් මතුවනු ඇතැයි වෛද්ය හා සිවිල් අයිතිවාසිකම් පිලිබඳ වෛද්යවරුන්ගේ සංගමය පෙන්වාදේ.
අවශ්ය ඇස්තමේන්තු සකස් කර නොමැති බැවින් ලබන වර්ෂයට අවශ්ය කරන ඖෂධ නිෂ්පාදනයට අදාළ සැපයුම්කරුවන් සහ නිෂ්පාදකයන් කටයුතු කොට ද නැති අතර සාමාන්යයෙන් විදේශ නිෂ්පාදකයන් ඖෂධ නිෂ්පාදන කටයුතු ආරම්භ කරනු ලබන්නේ රජය මගින් අදාළ ඇනවුම් ලබාදීමෙන් පසුව යැයි සංගමයේ සභාපති වෛද්ය චමල් සංජිව පවසා සිටියි.
මේ තත්ත්වය යටතේ මෙරට සහ විදේශ නිෂ්පාදකයන් ලබන වර්ෂයට අවශ්ය කරන සැපයුම් සඳහා තවමත් ක්රියාත්මක වී නැති බැවින් ලබන වර්ෂය තුළ දැඩි ඖෂධ හිඟයක් නිර්මාණය විය හැකි බව හෙතෙම සඳහන් කරයි
