“විශ්ව බුද්ධ” නමින් පෙනී සිටි සුනඛ සිවුරු රඳවනය අද (24) කොළඹ අතිරේක මහේස්ත්රාත් පසන් අමරසේන හමුවට ඉදිරිපත් කිරීමෙන් අනතුරුව ලබන 29 වනදා දක්වා යළි රක්ෂිත බන්ධනාගාරගත කරන ලෙස නියෝග කළේය.
එමෙන්ම සැකකරු ලබන 29 වනදා කොළඹ ප්රධාන මහෙස්ත්රාත් අධිකරණයට ඉදිරිපත් කරන ලෙසටද කොළඹ අතිරේක මහෙස්ත්රාත්වරයා අද බන්ධනාගාර දෙපාර්මේන්තුවට යෝග කළේය.
පසුගිය සතියේ කලගෙඩිහේන ප්රදේශයේ දී අත් අඩංගුවට ගෙන අපරාධ පරීක්ෂණ දෙපාර්තමේන්තුව විසින් ගංගොඩවිල මහෙස්ත්රාත් අධිකරණය වෙත ඉදිරිපත් කර තිබුණි.
ඔහුව 26 වැනිදා දක්වා රක්ෂිත බන්ධනාගාරගත කර අද දින කොළඹ ප්රධාන මහෙස්ත්රාත් අධිකරණය වෙත ඉදිරිපත් කරන ලෙස ගංගොඩවිල මහෙස්ත්රාත් අධිකරණය නියෝග කළේය.
ඔහුව කොළඹ ප්රධාන මහේස්ත්රාත් අධිකරණයට ඉදිරිපත් කරනු ලැබුවේ ඉන් අනතුරුවය.
මේ වනවිට මෙම පුද්ගලයා ශාසනයෙන් නෙරපා හැර ඇති තැනැත්තෙකි.
ශ්රී ලංකා රාමඤ්ඤ නිකායේ මහා නායක අති පූජ්ය මකුලෑවේ විමල නා හිමි විසින් මේ බව බෞද්ධ කටයුතු කොමසාරිස්වරයා වෙත දැනුම්දී තිබිණි.
පසුගිය දෙසැම්බර් මස 15 වනදා පැවති රාමඤ්ඤ නිකායේ කාරක සංඝ සභාව විසින් ඒකමතිකව මෙම තීරණය ගත්තේය.
