ඉන්දියාව ටොන් තුනක් බරැති අත්යවශ්ය ඖෂධ තොගයක් ඇෆ්ගනිස්තානය වෙත යවා තිබේ.
මීට පෙර ද අවස්ථා තුනක දී පමණ ඉන්දියාව විසින් කොරෝනා එන්නත් ලක්ෂ පහක් ඇතුළු ඖෂධ තොගයක් ඇෆ්ගනිස්තානය වෙත යවා තිබිණ.
මෙම අත්යවශ්ය ජීවිතාරක්ෂක ඖෂධ තොගය ඇෆ්ගනිස්තානයේ ඉන්දිරා ගාන්ධි අනුස්මරණ රෝහල වෙත භාර දුන් බව ඉන්දීය විදේශ කටයුතු අමාත්යංශය නිවේදනය කර තිබේ.
තලේබාන් පාලනයට පෙර ඇෆ්ගනිස්තානයට අවශ්ය ආධාර සැපයීමේ ප්රමුඛයෙකු වූ ඉන්දියාව යළිත් එරටට ආධාර සැපයීම ආරම්භ කර ඇති අතර ඉන්දීය විදේශ කටයුතු අමාත්යංශය සදහන් කරන්නේ සාමාන්ය ජනතාව සදහා වන ඖෂධ ආධාර ඇතුළු මානුෂීය ආධාර සැපයීමට අඛණ්ඩව කටයුතු කරන බවයි.
