ෙනිමල් සිරිපාල ද සිල්වා සහ මහින්ද අමරවීර ශ්රී ලංකා නිදහස් පක්ෂයේ දැරූ සෑම තනතුරකින්ම ඉවත් කළ බව ශ්රී ලංකා නිදහස් පක්ෂය අද නිවේදනය කළේය.
පක්ෂය ගනු ලැබූ තීරණයට පටහැනිව ආණ්ඩුවේ ඇමති තනතුරු ලබා ගන්නා සියලු මන්ත්රීවරුන් පක්ෂය තුළ දරන තනතුරුවලින් වහාම ඉවත් කිරීමට ශ්රී ලංකා නිදහස් පක්ෂය ගත් තීරණය සමග ඔවුන් දෙදෙනාට මෙම තනතුරු අහිමි වී තිබේ.
ආණ්ඩුවේ ඇමති තනතුරු ලබා නොගන්නා බවට ශ්රීලනිප මධ්යම කාරක සභාව මගින් තීරණයක් ගෙන තිබිය දී ඊට පටහැනිව යමින් පසුගිය කාලයේ ශ්රී ලංකා නිදහස් පක්ෂයේ ප්රධානීන් ලෙස කටයුතු කළ කීප දෙනෙක් ඇමති තනතුරු ලබාගෙන ඇති බව එම පක්ෂය පවසයි
එලෙස ඇමති තනතුරු ලබා ගත් අය සහ මින් ඉදිරියට ආණ්ඩුව සමග එක්වන සියලු දෙනා එතෙක් පක්ෂයේ දැරූ සියලු තනතුරුවලින් නෙරපා හැරීමට ශ්රීලනිප මධ්යම කාරක සභාව තීරණය කර ඇත.
