ලලිත් චාමින්ද –
චිත්රපට නිෂ්පාදනය හා සිනමාශාලා නවිකරණය කිරීම සදහා ලබාදි ඇති ණය හා සිනමා ශාලාවලින් ලැබිය යුතු හිඟ ණය වශයෙන් රුපියල් දාහතරකෝටි, හැට හත් ලක්ෂ, තිස්තුන් දහස්, තුන්සිය හැත්තෑ පහක මුදලක්(146,733,375) ජාතික චිත්රපටි සංස්ථාවට අයවිමට ඇති බව ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
චිත්රපට නිෂ්පාදනය හා සිනමාශාලා නවිකරණය සඳහා ලබදුන් ණය මුදලින් රුපියල් අටකෝටි, තිස්පන් ලක්ෂ, දාහත් දහස් එකසිය තුනක මුදලක් (83,517,103) 2022 වර්ෂයේ දෙසැම්බර් මස 31 වැනි දින වනවිට ජාතික චිත්රපටි සංස්ථාව වෙත අයවිමට ඇති බවද විගණන වාර්තාවේ සඳහන් වේ.
මෙම ණය මුදල් හා විධිමත්ව කාලිනව අයකරගැනිමට චිත්රපටි සංස්ථාව විසින් පියවරගෙන නොමැති බවද විගණනය මගින් අනාවරණය කොට ඇත.
සංස්ථාව වෙත ලැබිය යුතු හිඟ මුදල් අයකරගැනිම සඳහා ණය කමිටුවක් පත්කොට තිබු අතර 2023 වර්ෂය තුළ කමිටු රැස්විම් කිසිවක් පවත්වා නොතිබුණි.
ජාතික චිත්රපටි සංස්ථාවේ කළමණාකාරිත්වය විසින් විගණනයට සඳහන් කොට ඇත්තේ සිනමාශාලා වලින් දැනට ක්රියාත්මක වනුයේ සිනමාශාලා 143ක් වැනි සංඛ්යාවක් බවය.
ඉතිරි සිනමා ශාලා වසා දමා ඇති අතර එම සිනමා ශාලාවල හිමිකරුවන් සොයා ගැනීමට නොහැකිවි ඇති බවද කළමණාකාරිත්වය විසින් විගණනයට සඳහන් කොට ඇත.
දැනට ක්රියාත්මක සිනමාශාලාවලින් සහ වසා දමා ඇති සිනමාශාලාවලින් හිග මුදල් අයකරගැනිමට කටයුතු කරමින් සිටින බවද චිත්රපටි සංස්ථාවේ කළමණාකාරිත්වය විසින් විගණනයට සඳහන් කොට ඇත.
