ජයකාන්ත ලියනගේ – බළපිටිය –
සිතුල්පව්ව රජමහා විහාරස්ථානයට පිවිසෙන ප්රධාන මාර්ග දෙකම අධික වර්ෂාව හේතුවෙන් සෝදා යෑමට ලක් ව ඇත.
පසුගිය අධික වැසි සමයේ ඇති වු පාරිසරික හේතුන් සමඟ කතරගම දෙසින් සිතුල්පව්ව රජමහා විහාරස්ථානයට ප්රවේශ වන කටගමුවේ සිට වන මාර්ගය මුලුමනින්ම විනාශ වී තිබේ. තැනෙක මඩ වගුරුය. තැනෙක මාර්ගය මැද සොදා පාලු වී ගොස් හැදුනු දැවැන්ත ඇගිලිය.
මෙම දුර්ග වන මාර්ගය යම් පමණකට හෝ සකස් කිරීමට බැතිමත්හු කටයුතු කරමින් සිටිති. මේ දැක්වෙන්නේ ඒ සද් කාර්යය වෙනුවෙන් දායකවන විදෙස් හිමි නමකි. උන්වහන්සේ නිස්සාරණාධ්යාශයෙන් යුතුව බුදුන් වෙනුවෙන් උපන් ශ්රද්ධාව මතම පිහිටා ස්වකීය ශ්රම පූජාව කරති.
අට්ඨකතාවල හමුවන ආකාරයේ මෙවන් භික්ෂූන්වහන්සේ දැන් අපට හිඟය. එහෙත් එවැනි අල්පේච්ඡ සාධු ගුණැති හිමිවරු ලෝකයේ වැඩ සිටිති. සිතුල්පව්වේ දී ඒ බව දුටුවෙමු.
