කීර්ති ප්රනාන්දු-
දිවයිනේ විවිධ ප්රදේශවට ගොස් සහල් කොල්ලකෑමේ ජාවාරමක නිරත වී සිටි බව කියන කාන්තාවක් ඇතුලු පරිසක් යක්කල නගරයේ දී සහල් ලොරියක් සොරාගෙන ගොස් සිටියදී පානදුර ප්රදේශයේ දී අත්අඩංගුවට ගැනීමට යක්කල පොලිසියට හැකි වී තිබේ.
පොලිසිය පවසන අන්දමට මෙම කාන්තාව සහල් ව්යාපාරයක් පවත්වාගෙන යන බවට සහල් ව්යාපාරිකයන් රවටා සහල් කොල්ලකෑම් සිදු කර ඇත. පසුගිය දා මේ අකාරයට එම කාන්තාව වාරියපොල ප්රදේශයේ සහල් තොග වෙළඳසැලකින් සහල් තොගයක් ඇනවුම් කර තිබේ. එහි වටිනාකම රුපියල් ලක්ෂ 12ක් බව කියැවේ.
පසුව මෙම කාන්තාව ඇතුලු ඇයගේ අනෙක් උදවුකරුවන් පිරිස හා එක්ව මෙම සහල් තොගය යක්කල නගරය දක්වා රැගෙනවිත් ඇත. පසුව සහල් තොගය පානදුර ප්රදේශයට රැගෙන යා යුතු බව පවසමින් යක්කල නගරයේ දී සහල් ගෙනා ලොරියෙන් වෙනතක් ලොරියකට සහල් මාරු කර ඇත.
පසුව සහල් තොගය රැගෙන පැමිණි ව්යාපාරිකයාට කතා කර ඇති මෙම සැකකාර කාන්තාව සහල්වලට මුදල් ලබා දීම සඳහා යක්කල නගරයේ පිහිටි පුද්ගලික බැංකුවක් වෙත පැමිණෙන ලෙස දන්වා ඇත.
ව්යාපාරිකයා බැංකුව වෙත පැමිණ ඇය එන තුරු බලා සිටිනා අතර සැකකාර කාන්තාව සහල් තොගය ද රැගෙන පලා ගොස් ඇති බව යක්කල පොලිසිය පැවසීය.
මේ අතර සහල් රැගෙන පැමිණි ව්යාපාරිකයාගේ ලොරි රථයේ සිටි එක් පුද්ගලයෙකුට සැකකාර කාන්තාව සහල් පැටවු ලොරියේ අංකය මතක තිබීම නිසා ඒ පිළිබඳව යක්කල පොලිසියට පැමිණිලි කර තිබේ. පසුව වහාම ක්රියාත්මක වූ යක්කල පොලිසියේ නිලධාරීන් කණ්ඩායමක් සොරගෙන යමින් තිබූ සහල්වලින් කොටසක් සහ ලොරි රථය ද සැකකාරිය හා පුද්ගලයන් දෙදෙනෙකු ද පානදුර දී අත්අංගුවට ගෙන ඇත.
සැකකාර කාන්තාව ඇතුලු සහල් ලොරිය අත්අඩංගුවට පත්වන මොහොත වනවිටත් එම සහල් තොගයෙන් කොටසක්, එනම් සහල් කිලෝ 11800ක් පිලියන්ද, පානදුර, මීගොඩ වැනි ප්රදේශවල වෙළෙඳසල්වලට විකුණා තිබී ඇත.
එම සහල් තොග ද පොලිසිය භාරයට ගෙන තිබේ.
සැකකාරිය මෙම සහල් කොල්ලකෑමේ ජාවාරම සෑහෙන කලක සිට කරගෙන ගොස් ඇති බව යක්කල පොලිසිය පැවසීය. සිද්ධිය සම්බන්ධව වැඩිදුර පරීක්ෂණ පැවැත්වේ.
