යුග දෙකක් පුරා සිංහල සංගීත රසිකයින් පිනවු ප්රවීණ ගායන ශිල්පී සමන් ද සිල්වා දිවි සැරියෙන් සමුගත් බව කණගාටුවෙන් යුතුව දැනුම් දෙමු.
ඔහු අද (27) අළුයම අභාවප්රාප්ත වන්නේ කොතලාවල ආරක්ෂක විශ්වවිද්යාල රෝහලේ ප්රතිකාර ලබමින් සිටියදී ය.
මියයන විට ඔහු 68 වන වියෙහි පසුවූ සමන් ද සිල්වා කලක් රෝගාතුරව සිටියේය.
සමන් ද සිල්වා පුර්ණ කාලීන සංගීතයට පිවිසෙන්නේ 1975 වසරේදී ය. එදා සිට පුරා දශක 4ක් ඔහු සංගීත ක්ෂේත්රය තුළ රැඳෙමින් “තණතිල්ල දිගේ” “නියරේ පියනගලා,” “සන්තෝස වෙන්න ප්රීති වෙන්න”, “පුංචි කුරුළු කූඩුවේ” “එපා එපා රැවටෙනු ( සුරූපී – විරූපී) ” අයරින් ජොසපින් රොසලින්” දෙව්ලොව දෙවියනේ ” හඬවලා සිතක් හඬවලා” වැනි රසික සිත්වල සදා තැන්පත් වූ ගීතාවලියක් ගායනා කළේය.
සමන් ද සිල්වා වඩාත් රුචි වූයේ බයිලා ශෛලියේ ගීත ගායනාවටය. කලක් ඔහු ගායක ගායිකා සංගමයේ සභාපතිවරයා ලෙස කටයුතු කළේය. එක්සත් ජාතික පක්ෂයෙන් දේශපාලනය කළ ඔහු එම පක්ෂයේ කලා සංසදයේ ජාතික සංවිධායකවරයා ලෙස කටයුතු කරමින් පසුගිය බස්නාහිර පළාත් සභා මැතිවරණයට ද තරග කළේය.
නාලන්දා විද්යාලයේ ආදිශිෂ්යයෙක්වන සමන් ද සිල්වා මොරටුව ප්රදේශයේ පදිංචිකරුවෙකි. ඔහුගේ අවසන් කටයුතු පිළිබඳව පසුව දැනුම් දීමට නියමිතය.
