මෙවර කොළඹ නගර සභාවට තරග කර සභික ධූර හිමිකරගත් ස්වාධීන කණ්ඩායම් අතර කුඩු සහ පාතාලයට සම්බන්ධ බව කියැවෙන ඇතැම් පුද්ගලයන් හා සම්බන්ධ දේශපාලන කණ්ඩායම ද සිටින බව අනාවරය වේ.
මෙයින් කැපී පෙනෙන චරිතයක් වී ඇත්තේ මාධ්ය සහ පොලිසිය විසින් කුඩු ලාල් ලෙස කලක් තිස්සේ හඳුන්වන ලාල් පීරිස්ය. ලාල් පීරිස් යනු පොදු ජන එක්සත් පෙරමුණේ මෙන්ම එක්සත් ජාතික පක්ෂයේ ද සමීප හිතවතෙක් ලෙස කටයුතු කළ පුද්ගලයෙකි. වසර ගණනක් තිස්සේ කුඩු ලාල් ලෙස හඳුන්වන මේ පුද්ගලයාට අධිකරණය ඉදිරියේ චෝදනා ගොනු වී නැති බවත් ඔහුගේ පවතින ඉහළම මට්ටමේ දේශපාලන සම්බන්ධකම් මත එම අපරාධ විමර්ශන යට ගිය ආකාරයත් සම්බන්ධවත් පොලිසිය විටින් විට කරුණු හෙළි කර තිබිණි.
ලාල් පීරිස් මහින්ද ආණ්ඩුවේ හිතවතෙක් වුවද එවකට මහින්දගේ දේශපාලන පක්ෂයෙන් නාමයෝජනා ලබාදීමට පොදු ජන එක්සත් පෙරමුණු ආණ්ඩුව කැමති වූයේ නැත. ලාල් පීරිස් වර්ෂ 2006 මැතිවරණයේ දී ඉටිපන්දම ලකුණින් ස්වාධීනව තරග කර කොළඹ නාගරික මන්ත්රී ධූරයකට පත් වුනේය. එදා ඔහු එක්සත් ජනතා නිදහස් සන්ධානයේ බලය පිහිටුවීමට මහින්ද රාජපක්ෂ ආණ්ඩුවට උපකාර කළේය.
අනතුරුව එළඹි කාලයේ දී පැවති පාතාල තර්ජන සහ පාතාල මර්ධන තත්ත්වයන් යටතේ රටින් පලා ගිය ලාල් පීරිස් මේ වනවිට එංගලන්තයේ පසුවන්නේය. ඔහුගේ නිවුන් දරුවන් දෙදෙනා අනතුරුව කොළඹ දේශපාලනයට පිවිසි අතර ඔවුන් දෙදෙනා එක්සත් ජාතික පක්ෂය සමග සමීප සම්බන්ධතා ගොඩනගාගෙන සිටියේ එහි ප්රබල ඇමතිවරයෙක් හරහා බව කියැවින. එහෙත් එක්සත් ජාතික පක්ෂයෙන් ඔවුන්ට නාමයෝජනා නොලැබිනි. අවසාන මොහොතේ ඔවුහු තැපැල් කණුව ලකුණ යටතේ තරග කළහ. ආසන දෙකක් එම පක්ෂයට හිමි විය.
මේ ආසන දෙක එක්සත් ජාතික පක්ෂයේ බලය පිහිටුවීමට ඔවුන්ට සහාය ලබා දුන්නේය. එම සභික ධූර දෙකෙන් එක් සභික ධූරයක් හිමි වූයේ ලාල් පීරිස්ගේ පුතෙකුටය. අනෙක් ධූරය කණ්ඩායමේ නාකයාටය. එහෙත් ටික කාලයක් ගතවන විට කණ්ඩායම් නායකයා ඝාතනය වී තිබිණි. ලාල් පීරිස්ගේ අනෙක් පුතා ඉන් අනතුරුව නගරසභා මන්ත්රී ධූරයට පත් විය. ඔවුන් දෙදෙනා පසුගිය යහ පාලන සමයේත් නාගරික මන්ත්රී ධූර හොබවමින් එක්සත් ජාතික පක්ෂයට සහාය පල කළේය.
මෙවර ලාල් පීරිස්ගේ පුතුන් දෙදෙනා දාදු කැටය ලකුණින් තරග කර ස්වාධීන කණ්ඩායම් අංක 03 ලෙස නගරසභාවේ මන්ත්රී ධූර 03ක් හිමි කරගෙන තිබේ.
දැනට මාලිමාව ප්රකාශ කරන්නේ කොළඹ නගරසභාවේ බලය පිහිටුවීම සඳහා ඔවුන්ට සියලුම ස්වාධීන කණ්ඩායම්වල සහයෝගය ලැබී ඇති බවය.
