සපුගස්කන්ද යළි මෙහෙයුම් අරඹයි…

බොරතෙල් මෙට්‍රික් ටොන් 90,000ක් ලැබීමෙන් පසු  සපුගස්කන්ද තෙල් පිරිපහදුවේ මෙහෙයුම් කටයුතු අද (16) යළි ආරම්භ වේ.

බොරතෙල්   නෞකාව වරායේ නැංගුරම් ලා ඇති අතර ගොඩබෑමේ කටයුතු මේ වන විටත් ආරම්භ කර ඇත.

බොරතෙල් මෙට්‍රික් ටොන් 90,000ක් ප්‍රවාහනය කරන තවත් ටැංකි නෞකාවක් ඉදිරියේදී මෙරටට පැමිණීමට නියමිතය. මෙම තොග සමඟ, පිරිපහදුවේ මෙහෙයුම්  කටයුතු යථා තත්ත්වයට පත් වනු ඇති බව ලංකා ඛණිජතෙල් නීතිගත සංස්ථාව පවසයි.

ෙඛනිජ තෙල් නීතිගත සංස්ථාවට අනුව පූර්ණ ධාරිතාවෙන් පිරිපහදු කටයුතු සිදුකිරිමේ දී  , ඩීසල් මෙට්‍රික් ටොන් 1,600ක්, පෙට්‍රල් මෙට්‍රික් ටොන් 550ක්, භූමිතෙල් සහ ගුවන් යානා ඉන්ධන මෙට්‍රික් ටොන් 950ක්  , දැවි  තෙල් මෙට්‍රික් ටොන් 1450ක් සහ නැප්තා  මෙට්‍රික් ටොන් 450ක් සපුගස්කන්දෙන් දේශීය වෙළෙඳපලට නිකුත් කිරීමට නියමිතය.

 

සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.