ලලිත් චාමින්ද –
ගාල්ල බන්ධනාගාරය තුළ ඊයේ (31) දින සිදුකරනු ලැබු විශේෂ මෙහෙයුමකදි රැඳවියන්ගේ සිරමැදිරි කිහිපයක් තුළ තිබි ජංගම දුරකථන 22ක් හා චාජර් ඇතුළු උපාංග, අයිස්මත්කුඩු මිලිග්රැම් 100ක් හා හෙරොයින් බවට සැකකරණ යම් ප්රමාණයක් හමුවි ඇති බැව් ගාල්ල බන්ධනාගාර ආරංචි මාර්ග සඳහන් කරයි.
ගාල්ල බන්ධනාගාරයේ නිලධාරින් 40කට පමණ ආසන්න පිරිසක් යොදවා මෙකි මෙහෙයුම ක්රියාත්මක කරණු ලැබිය. රැදවියන්ගේ සිරමැදිරිවල හා බිත්තිවල ඉතා සුක්ෂම ලෙස සඟවා තිබියදි ජංගම දුරකථන ඇතුළු මෙම උපකරණ හමුවි ඇත.
මිට සති තුනකට පමණ ඉහතදිත් ගාල්ල බන්ධනාගාරයේ රැදවියන්ගේ සිරමැදිරි තුල තිබි ජංගම දුරකථන 58ක් සොයා ගනු ලැබිය. බන්ධනාගාරයේ රැදවියන්ගේ සිරමැදිරි තුළ විටින් විට සිදුකරනු ලබන මෙහෙයුම්වලදි ජංගම දුරකථන විශාල සංඛ්යාවක් සොයාගැනිම බරපතල ගැටලුවක් බවට පත්ව ඇත. රැඳවියන් අතට මේ අයුරින් ජංගම දුරකථන පත්විම බන්ධනාගාරයේ පරිපාලනමය ගැටලුවකි. මේ පිළිබද වැඩිදුර තොරතුරු විමසීම සඳහා බන්ධනාගාර මාධ්ය ප්රකාශක ගාමිණි දිසානයක සම්බන්ධකරගැනීමට උත්සාහ කළද ඔහුගේ ජංගම දුරකථනය ක්රියා විරහිත වි තිබුණි.
ගාල්ල බන්ධනාගාර අධිකාරිවරයාගෙන් මේ පිළිබද කළ විමසිමේ දී ඔහු සදහන් කළේ මාධ්යවලට තොරතුරු ලබාදිමට තමන්ට බලයක් නොමැති බවය.
