-
මේ වනවිට ගාසා වැසියන් 70000කට වැඩි ප්රමාණයක් ඝාතනය කළ බව ඊශ්රයාල හමුදා පිළි ගනී… ඔවුන්ට අනුව මේ 70000 ඝාතනය කර ඇත්තේ අතුරුදහන් වූවන් ගණනය නොකරයි…
-
සටන් විරාමය ක්රියාත්මක වූ පසු එක් දිනක ඝාතනය කළ වැඩිම සංඛ්යාව වාර්තා වන්නේ සෙනසුරාදායි… ඝාතනය වූවන්ගෙන් හතරෙන් එකක් දරුවන්… තුනෙක් එකක් කාන්තාවන්…
-
පසුගිය සෙනසුරාදා ගාසා තීරය පුරා ඊශ්රායලය එල්ල කළ ප්රහාරවලින් අවම වශයෙන් පුද්ගලයින් 31 දෙනෙකු ජීවිතක්ෂයට පත්ව ඇති බව පලස්තීන සෞඛ්ය අමාත්යාංශය පවසයි. මෙය පසුගිය මාස දෙකක කාලය තුළ එක් දිනකදී වාර්තා වූ වැඩිම මරණ සංඛ්යාවය.
මියගිය පිරිස අතර ළමුන් හය දෙනෙකු සිටින බවත්, තවත් පුද්ගලයින් 30 දෙනෙකු තුවාල ලබා ඇති බවත් අමාත්යාංශය සඳහන් කළේය. තුවාල ලැබූවන් අතර කිහිප දෙනෙකුගේ තත්ත්වය බරපතල බව වාර්තා වේ.
සටන් විරාමය මධ්යයේ සිදුවන ප්රහාර
“ඔක්තෝබර් මැද භාගයේදී සටන් විරාමයක් ක්රියාත්මක වුවද, මෙම ප්රහාර එල්ල වී තිබේ. සටන් විරාමයෙන් පසුව ගාසාවේ මියගිය පලස්තීනුවන් සංඛ්යාව මේ වන විට 500 ඉක්මවා ඇත. “ගාසා සිවිල් ආරක්ෂක බලකායේ ප්රකාශක මහමුද් බසාල් පැවසුවේ:
- සොයාගත් මළ සිරුරුවලින් හතරෙන් එකක් පමණ ළමුන් වේ.
- තුනෙන් එකක් කාන්තාවන් වේ.
- මියගිය අය අතර වැඩිහිටි පිරිමියෙකු සහ කාන්තා පොලිස් නිලධාරිනියන් සිව්දෙනෙකු ද සිටින බව වාර්තා වේ.
ඊශ්රායල ප්රහාර මගින් අවතැන් වූවන්ගේ නවාතැන්, කූඩාරම්, නේවාසික මහල් නිවාස සහ පොලිස් ස්ථානයක් ඉලක්ක කර තිබේ. සුන්බුන් යට තවත් පිරිසක් සිරවී සිටින බව මහමුද් බසාල් වැඩිදුරටත් පැවසීය.
අල්-ෂිෆා රෝහලේ අධ්යක්ෂ වෛද්ය මොහොමඩ් අබු සල්මියා පැවසුවේ බරපතල තුවාල ලැබූවන් රෝහල් ගත කිරීම හේතුවෙන් මරණ සංඛ්යාව තවදුරටත් ඉහළ යා හැකි බවය.
ඊශ්රායල ආරක්ෂක අංශයේ (IDF) ප්රකාශය
හමාස් සහ ඉස්ලාමීය ජිහාඩ් ඉලක්ක වෙත මෙම ප්රහාර එල්ල කළ බව ඊශ්රායල හමුදාව පවසයි. සිකුරාදා දිනයේ සටන් විරාම ගිවිසුම උල්ලංඝනය කරමින් සටන්කාමීන් පිරිසක් රෆා ප්රදේශයේ උමං මාර්ගවලින් පිටතට පැමිණි බවට ඔවුන් චෝදනා කරයි.
මරණ සංඛ්යාව පිළිබඳ ඊශ්රායලයේ පිළිගැනීම
මෙම ප්රහාර මධ්යයේ, ගාසා යුද්ධයේදී පලස්තීනුවන් 70,000ක් පමණ මියගොස් ඇති බවත්, පලස්තීන සෞඛ්ය අමාත්යාංශයේ දත්ත බොහෝ දුරට නිවැරදි බවත් ඊශ්රායල හමුදාව දේශීය මාධ්යවේදීන් හමුවේ පිළිගෙන ඇති බව වාර්තා වේ.
“යුද්ධයෙන් ගාසා වැසියන් 70,000ක් පමණ මියගොස් ඇති බව අප ඇස්තමේන්තු කරනවා. මෙයට අතුරුදහන් වූවන් ඇතුළත් නැහැ” යෙදියොත් අහ්රොනොත් (Yedioth Ahronoth) පුවත්පත උපුටා ඊශ්රායල හමුදා නිලධාරීන්ගේ ප්රකාශයක් උපුටා දක්වමින් වාර්තා කළේය.
කෙසේ වෙතත්, ඊශ්රායල හමුදා ප්රකාශකයෙකු පැවසුවේ ප්රසිද්ධ කර ඇති මෙම දත්ත නිල හමුදා දත්ත නොවන බවය.
යුද්ධය ආරම්භයේදී ඊශ්රායලය පලස්තීන සෞඛ්ය අමාත්යාංශයේ දත්ත පිළිබඳව සැක පළ කළ ද, දැන් ඔවුන්ගේම අභ්යන්තර ඇස්තමේන්තු එම දත්ත හා සමාන මට්ටමක පවතින බව පෙනී යයි. (CNN-ඇසුරින්)
