ඝාතනය කළ බවට සැකකෙරෙන කොළඹ “ෂේඩ්” නිමි ඇඳුම් සාප්පු ජාලයේ හිමිකරුවන රොෂාන් වන්නිනායක සිය නිවසේ සිට ඔහු ඝාතනය වූ ස්ථානයට පැමිණි මෝටර් රථය මීගමුව ප්රදේශයේ නිවසක තිබී සොයාගෙන ඇති බව විමර්ශන අංශ පවසයි.
මේ වනවිට අනාවරණය වී ඇත්තේ එම මෝටර් රථය එම නිවසට රැගෙන ආ යුවළක් විදෙස්ගත වී ඇති බවය.
අදාළ ව්යාපාරිකයාගේ ඝාතනයට කාන්තාවක් සම්බන්ධ වී ඇති බව දැනට ලැබී ඇති තොරතුරු අනුව විමර්ශන අංශ සැක පහළ කරයි.
එසේම අදාළ ව්යාපාරිකයා සමඟ එම කාන්තාව පැලවත්ත ප්රදේශයේ පිහිටි එම නිවසේ සිටියදී තවත් පිරිසකගේ සහාය ලබාගෙන මෙම ඝාතනය සිදුකරන්නට ඇති බවටද විමර්ශන අංශ වැඩිදුරටත් සැකපළ කරයි.
මේ අතර ඝාතනය සිදුව ඇති බවට සැකපළ කරන එම නිවසේ CCTV කැමරා සවිකර නොමැති බැවින් ඒ අසළ වෙනත් ගොඩනැගිලිවල CCTV කැමරා සහ ව්යාපාරිකයාගේ ජංගම දුරකථන දත්ත පරීක්ෂා කරමින් සිද්ධියට සම්බන්ධ සැකකරුවන් හඳුනාගැනීමට අවශ්ය පියවර ගනිමින් සිටින බවද පොලීසිය පවසයි.
ඊයේ (01) දිනයේ බත්තරමුල්ල පැලවත්ත ප්රදේශයේ තෙමහල් නිවසක පිහිනුම් තටාකයක පාවෙමින් තිබියදී කොළඹ ජනප්රිය නිමි ඇඳුම් සාප්පු ජාලයක හිමිකරුවෙකු වන රොෂාන් වන්නිනායක ගේ සිරුර සොයාගනු ලැබීය.
මෙම සිද්ධිය සම්බන්ධයෙන් කොළඹ අපරාධ කොට්ඨාසය මේ වනවිට පුළුල් විමර්ශනයක් ආරම්භ කර ඇත.
