දිනසේන රතුගමගේ –
යාපනය විශ්ව විද්යාලයේ සියලුම පීඨවල ආචාර්යවරුන් අද (28 ) සිට දින නියමයක් නොමැතිව වර්ජනයක් දියත් කොට තිබේ.
යාපනය විශ්ව විද්යාලයේ ශාස්ත්ර පීඨයේ ප්රධානී සිවසුබ්රමනියම් රඝුරාම් ට යාපනය විශ්ව විද්යාලයේ පාලන අධිකාරියෙන් සිදු වූ අසාධාරණයකට එරෙහිව එම වර්ජනය දියත් කොට තිබේ.
යාපනය විශ්ව විද්යාලයේ ආචාර්යවරුන්ගේ සංගමය විසින් පැය හතරක් තිස්සේ පවත්වන ලද සාකච්ඡාවකින් පසුව පාලන අධිකාරිය සමගද සාකච්ඡා කොට ඇති අතර ඉන් සාර්ථක ප්රතිපලයක් අයත් නොවූ නිසා ඔවුන් මේ තීරණය ගෙන තිබේ.
තමන්ට සිදු වූ අසාධාරණය නිසා සිවසුබ්රමනියම් රඝුරාම් මේ වන විට සිය විශ්වවිද්යාල ආචාර්ය තනතුරෙන් ඉල්ලා අස්වීමේ ලිපිය බාර දී ඇති අතර පාලන අධිකාරියද එම ඉල්ලා අස්වීමේ ලිපිය බාර ගෙන තිබේ. විශ්ව විද්යාල ආචාරයවරුන්ගේ සංගමය කියා සිටින්නේ ඉල්ලා අස් වූ විශ්වවිද්යාල ආචාර්ය වරයාට සාධාරණය ඉෂ්ඨ කිරීම ඇතුලු තවත් ඉල්ලීම් පහක් ලබා දෙන තුරු වර්ජනය ක්රියාත්මක කරණ බවයි.
යාපනය විශ්ව විද්යාලයේ සිදු වූ බව කියන ලිංගික ක්රියාකාරකම් කීපයක් හා මත්ද්රව්ය භාවිත කිරීම් කීපයක් නිසා විශ්ව විද්යාල සිසුන් 9 දෙනෙකුගේ පන්ති මීට දින කීපයකට පෙර තහනම් කොට තිබුණි.
එසේ පන්ති තහනමට ලක් වූ ශිෂ්යයින්ගෙන් වැඩි දෙනා ශාස්ත්ර පීඨයේ සිසුන් වූ අතර එම පන්ති තහනම ලබා දීමට විනය කමිටිවේ ජ්යෙෂ්ඨ නිලධාරියෙකු ලෙස සේවය කරන ආචාර්ය රඝුරාම් ද මූලික වී තිබේ.
යාපනය විශ්ව විද්යාලයේ බොහෝ සිසුන් විශ්ව විද්යාල භූමියේ තනා ඇති ගල් බංකු මත සිට මත්පැන් පානය කිරීමත් දුම්වැටි පානය කිරීමත් සිදු කරණ බවත් ඔවුන්ගේ නේවාසිකාගාර වලදී මත්ද්රව්ය භාවිත කරණ බවත් ශාස්ත්ර පීඨයේ ප්රධානියා පාලන අධිකාරියට දැණුම් දී තිබුණි. එමෙන්ම විශ්ව විද්යාල සිසුන් එහි ශිෂ්යාවන් සමග නොමනා හැසිරීම්වල නිරත වන බවද ඔහු අවධාරණය කොට තිබේ.
නේවාසිකාගර වල මත්ද්රව්ය භාවිත කිරීමේ සිද්ධීන් 11 වතාවක් වාර්තා වී පොලීසියද එම සිසුන්ට එරෙහිව ඒ සෑම අවස්ථාවකදීම නීතිය ක්රියාත්මක කිරීම නිසා එවැනි ක්රියා වලට සම්බන්ධ සිසුන්ගේ පන්ති තහනම් කල යුතු බවට ශාස්ත්ර පීඨයේ ප්රධානී සිවසුබ්රමනියම් රඝුරාම් මහතා ප්රකාශ කොට තිබේ.
ඒ අනුව සිසුන්ගේ පන්ති තහනම් වූ අතර සිසුන්ගේ පන්ති තහනම් නීති විරෝධී හා අසාධාරණ එකක් බව කියමින් තවත් හේතුන් හතරක්ද මුල් කරගෙන යාපනය විශ්ව විද්යාලයේ සිසුන් විසින් විරෝධතාවයක් ආරම්භ කොට තිබූ අතර සියලුම සිසුන් විසින් පන්ති වර්ජනයක්ද දියත් කොට තිබුණි.
අවසානයේදී යාපනය විශ්ව විද්යාලයේ උපකුලපතිවරයා හා පාලන අධිකාරිය සිසුන්ට වාසි වන අන්දමට ඔවුන්ගේ ඉල්ලීම්වලට ප්රතිචාර දැක්වීම නිසා දැඩි ලෙස කම්පනයට පත් වූ සිවසුබ්රමනියම් රඝුරාම් සිය ඉල්ලා අස්වීමේ ලිපිය යාපනය විශ්ව විද්යාලයේ පාලන අධිකාරිය වෙත බාර දී තිබේ.
මේ ලිපියත් බලන්න….
යාපනය සරසවිය වසා ගත් මත් උවදුරට එරෙහි වූ ශාස්ත්ර පීඨයේ පීඨාධිපතිට ඉල්ලා අස්වෙන්න සිදුවෙයි!
