ශ්රී ලංකාවෙන් ආනයනය කරන භාණ්ඩ සඳහා ආනයන බදු 20% දක්වා අඩු කිරීමේ විධායක නියෝගයකට එක්සත් ජනපද ජනාධිපති ඩොනල්ඩ් ට්රම්ප් අත්සන් තබා තිබේ.
ධවල මන්දිරය බ්රහස්පතින්දා අග භාගයේදී ප්රකාශ කළේ මෙම අවසන් තීරු බදු නිගමනය අප්රේල් මාසයේදී ඔහු ප්රකාශයට පත් කළ 44% අනුපාතයට වඩා විශාල පහත වැටීමක් බවයි.
අදියර දෙකකින් අඩු වූ එම ප්රතිශතය මුල් අවස්ථාවේ දී 30%ක අනුපාතයක් දක්වා අඩු කර තිබුණු අතර එය අද (1) සිට ක්රියාත්මක වීමට නියමිතව තිබුණි.
ශ්රී ලංකාවේ අපනයන වෙනුවෙන් පනවන ලද එම 30%ක තීරු බද්ද තවදුරටත් අඩු කර ගැනීම සඳහා ශ්රී ලංකා රජය සහ අමෙරිකා එක්සත් ජනපදය අතර සාකච්ඡා වට කිහිපයක් පැවැත්විය.
මේ සම්බන්ධව සාකච්ඡා කිරීමට ශ්රී ලංකා රජයේ නියෝජිත පිරිසක් පසුගියදා එක්සත් ජනපදය වෙත ගොස් සාකච්ඡා පැවැත්වූ අතර තවත් කණ්ඩායමක් මෙරට සිට සූම් තාක්ෂණය ඔස්සේ එක්සත් ජනපදය සමඟ දීර්ඝ ලෙස සාකච්ඡා පැවැත්වූහ.
ධවල මන්දිරය නිකුත් කළ නිවේදනයට අනුව ශ්රී ලංකාව මෙන්ම බංගලාදේශයට සහ පකිස්ථානයටත් අඩු තීරු බදු අගයක් ප්රකාශයට පත් කර ඇති අතර බංග්ලාදේශය සඳහා ඒ අගය 20%කි. පාකිස්තානය සඳහා සියයට 19කි. නව තීරුබදු අගෝස්තු 7 වන දින සිට ක්රියාත්මකය.
කෙසේ වෙතත් අමෙරිකාව ඉන්දියාවෙන් ආනයනය කෙරෙන භාණ්ඩ සඳහා අයකෙරෙන තීරුබදු ප්රතිශතය වෙනස්කර නොමැති අතර, එය 25% සීමාවේ එලෙසින්ම පවතියි.
බ්රසීලයට එරෙහිව සියයට 50 ක තීරු බදු ප්රතිශයතයක් ප්රකාශ කළත් එම ප්රතිශතය සියයට 10 තෙක් පහළ දැමීමටත් එක්සත් ජනපදය තීරණය කර තිබීම විශේෂය.
