නීති විරෝධීව එකලස් කර ව්යාජ දත්ත මත ලියාපදිංචි කළ වාහනයක් පාර්ලිමේන්තු මන්ත්රී ජගත් විතානගේ පුත්රයා වෙත විකිණීම සම්බන්ධ අපරාධයට අදාල විමර්ශනවලට අවශ්යව සිටි රෝහිත අබේගුණවර්ධනගේ දියණිය වූ රොෂෙල් අබේගුණවර්ධන අත් අඩංගුවට ගෙන අධිකරණයට ඉදිරිපත් කිරීමෙන් අනතුරුව ඇය ඇප මත මුදා හරින්නට මතුගම මහෙස්ත්රාත් අධිකරණය අද නියෝග කළාය.
ඇය අද (31) පෙරවරුවේ අධිකරණය වෙත ඉදිරිපත් කළ අතර, එහිදී රුපියල් ලක්ෂ 20 බැගින් වූ ශරීර ඇප 2ක් මත මුදා හැරීමට අධිකරණය නියෝග කළේය.
මෙම වාහන ගනුදෙනුවට චෝදනා ලැබ සති දෙකකට වැඩිකාලයක් පොලිසිය මග හරිමින් සැඟවී සිටි හිටපු රෝහිත අබේගුණවර්ධනගේ දියණිය වූ මෙලිනි රොෂෙල් අබේගුණවර්ධන ඊයේ (30) උදෑසන වලාන මධ්යම දූෂණ මර්දන ප්රහාරක ඒකකය වෙත භාරවී වූවාය.
එහිදි පැය 9කට අධික කාලයක් ඇයගෙන් ප්රකාශ සටහන් කරගැනීමෙන් අනතුරුව අත්අඩංගුවට ගත් රොෂෙල් අබේගුණවර්ධන වැඩිදුර විමර්ශන සඳහා මතුගම පොලිස් ස්ථානය වෙත භාර දුන්නේය. අද ඇයව මතුගම මහේස්ත්රාත් අධිකරණයට ඉදිරිපත් කිරීමෙන් අනතුරුව ඇප නියෝග මත නිදහස් වුවාය.
සිද්ධිය –
පොලිස්පතිවරයාට ලද තොරතුරක් මත වලාන මධ්යම දූෂණ මර්ධන ප්රහාරක ඒකකය විසින් කරන ලද දීර්ඝ විමර්ශනයකින් අනතුරුව ව්යාජ දත්ත සහිතව ලියාපදිංචි කරන ලද සුඛෝපභෝගී වාහනයක් පසුගිය 19 වැනිදා මතුගම දී අත් අඩංගුවට ගන්නේය. වාහනය තිබුණේ පාර්ලිමේන්තු මන්ත්රී ගත් විතානගේ පුත් රසික විතාන සන්තකයේ ය.
අදාළ ජීප් රථය සම්බන්ධයෙන් සිදුකළ පරීක්ෂා කිරීමේදී අනාවරණ වූයේ එය නීතිවිරෝධී අයුරින් මෙරටට ගෙන්වා ව්යාජ දත්ත ඉදිරිපත් කර මෝටර් රථ ප්රවාහන දෙපාර්තමේන්තුවේ ලියාපදිංචි කර ඇති වාහනයක් බවය.
අත් අඩංගුවට ගත් රසික විතාන මතුගම පොලිසියට භාර දුන් පසු ඔහු ප්රකාශ කර තිබුණේ තමන්ගේ පියාගේ සමාගමක් නමින් ලබා ගත් මෙම රථය මිලදී ගන්නේ රෝහිත අබේගුණවර්ධනගේ දියණියවන රොෂෙල් අබේගුණවර්ධනගෙන් බවය.
ඒ අනුව විමර්ශන නිලධාරීන් ප්රකාශයක් ලබා ගැනීම සඳහා ඇය පදිංචිව සිටි නාගොඩ ප්රදේශයේ නිවසට යන විට ඇයත් ඇයගේ සැමියාත් අතුරුදහන්ව සිටියේය. ඒ අතර උසාවියට ඉදිරිපත් කළ රසික විතාන රක්ෂිත බන්ධනාගාරගත කළේය. සිද්ධිය සම්බන්ධව දීර්ඝ විස්තරයක් ජගත් විතාන මන්ත්රීවරයා පාර්ලිමේන්තුවේ දී සිදුකළේය. ඔහුගේ පුත් රසික විතාන දැන් ඇප මත නිදහස් වී සිටී.
පසුගිය 24 වැනිදා මේ ගනුදෙනුව සම්බන්ධව අත් අඩංගුවට ගැනීමට සොයමින් සිටි පාර්ලිමේන්තු මන්ත්රී රෝහිත අබේගුණවර්ධනගේ බෑනා වන ධනුෂ්ක වීරක්කොඩි මතුගම අධිකරණය වෙත පසුගිය 24 වැනිදා භාර විය.
අනතුරුව පොලිසිය විසින් අත්අඩංගුවට ගත් ධනුෂ්ක වීරක්කොඩි අධිකරණයට ඉදිරිපත් කිරීමෙන් අනතුරුව අගෝස්තු 1 වන දා දක්වා රක්ෂිත බන්ධනාගාර කර ඇත. ඔහු මේ දක්වා ඉන්නේ රක්ෂිත බන්ධනාගාරගතවය.
අද අධිකරණයට ඉදිරිපත් කළ රොෂෙල් අබේගුණවර්ධන ඇප මත නිදහස් කළාය.
