පළාත් පාලන මැතිවරණය සැලසුම් කළ පරිදි පැවැත්වෙන බව ජාතික මැතිවරණ කොමිසම සිකුරාදා (13) ශ්රේෂ්ඨාධිකරණයට දැනුම් දුන්නේය. ශ්රී ලංකා යුද හමුදාවේ විශ්රාමික කර්නල් ඩබ්ලිව්.එම්.ආර්. විජේසුන්දර මහතා ගොනු කළ පෙත්සමක් සිකුරාදා (13) කැඳවූ අවස්ථාවේදී මැතිවරණ කොමිෂන් සභාව මේ බව ශ්රේෂ්ඨාධිකරණයට දැනුම් දුන්නේය.
විශ්රාමික ශ්රී ලංකා යුද හමුදා කර්නල් ඩබ්ලිව්.එම්.ආර්. විජේසුන්දර මහතා පළාත් පාලන මැතිවරණයට අදාළව සිදුකෙරෙන සූදානම බලරහිත කරමින් රිට් ආඥාවක් නිකුත් කරන ලෙස ඉල්ලා ශ්රේෂ්ඨාධිකරණයට අයදුම්පතක් ගොනුකර තිබිණි.
අගවිනිසුරු ජයන්ත ජයසූරිය, විනිසුරු එස්.තුරෙයිරාජා සහ ජනක් ද සිල්වා යන මහත්වරුන් ඉදිරියේ මෙම නඩුව කැඳවනු ලැබීය.
ජාතික මැතිවරණය වෙනුවෙන් පෙනී සිටි ජනාධිපති නීතීඥ සාලිය පීරිස් මහතා ශ්රේෂ්ඨාධිකරණයට දැනුම් දුන්නේ පළාත් පාලන මැතිවරණය සැලසුම් සහගතව සිදු කරන බවයි.
පෙත්සම්කරු වෙනුවෙන් පෙනී සිටි කනිෂ්ඨ නීතීඥවරයෙකු අධිකරණයට දන්වා සිටියේ එම අයදුම්පතේ සංශෝධන කිහිපයක් සිදුකිරීමට නියමිත බවයි.
මෙම පෙත්සම ජනවාරි මස 18 වැනිදා කැඳවන ලෙස ජනාධිපති නීතීඥ රොමේෂ් ද සිල්වා මහතා අධිකරණයෙන් ඉල්ලා සිටියේ එදිනට ඊට අදාළ තවත් පෙත්සමක් ගොනු කිරීමට නියමිත බව සඳහන් කරමිනි.
ඒ අනුව පෙත්සම 2023 ජනවාරි 18 වැනි දින කැඳවීමට නියමිතය.
