ප්රමිතියෙන් බාල කොත්තමල්ලි උග්ර විෂ සහිත රසායනයක්වන සල්ෆර් කුඩු සමග මිශ්රකර නැවත ඇසුරුම් කිරීමෙන් පසු අලෙවි කිරීම සඳහා සකස් කර තිබු කොත්තමල්ලි ගබඩාවක් කල්මුණේ දී වැටලීමට පොලිස් විශේෂ කාර්ය බලකායේ තිරුක්කෝවිල් කඳවුරේ නිලධාරීන් සහ පාරිභෝගික කටයුතු පිලිබඳ අධිකාරියේ අම්පාර දිස්ත්රික් කාර්යාලයේ නිලධාරී කණ්ඩායමක් කටයුතු කර ඇත.
කල්මුණ පොලිස් වසමේ පරණ මුහුදු වෙරළ පාර, කල්මුණ කුඩි 03 ප්රදේශයේ දී සිදුකළ මෙම වැටලිමේ දී කල්මුණයිකුඩි 08 ප්රදේශයේ පදිංචි වයස අවුරුදු 44 ක පුද්ගලයක් සල්ෆර් කුඩු මිශ්රකරන ලද කොත්තමල්ලි කිලෝ 2,125ක්, ප්රමිතියෙන් බාල කොත්තමල්ලි කිලෝ ග්රෑම් 82,750 ක් සහ සල්ෆර් කුඩු කිලෝ ග්රෑම් 225ක් සමග අත් අත්අඩංගුවට ගැනීමට හැකි වී තිබේ. .
අත් අඩංගුවට ගත් මෙම පුද්ගලයා සහ විෂ කොත්තමල්ලි තොගය විමර්ශන කටයුතු සඳහා පාරිභෝගික කටයුතු පිලිබද අධිකාරියේ අමිපාර දිස්ත්රික් කාර්යාලයේ වෙත භාර දී ඇත.
