බංග්ලාදේශ ක්රිකට් ප්රධාන පුහුණුකරු චන්දික හතුරුසිංහගේ සේවය විනය හේතු මත අත් හිටුවිමට බංගලාදේශ ක්රිකට් පාලක මණ්ඩලය තිරණය කර තිබේ.
දැනට ඔහුගේ සේවය පැය 48කට අත් හිටුවා ඇති අතර ඉන් අනතුරුව ඔහු වහාම ධූරයෙන් පහ කිරීමට නියමිතය.
මේ වනවිට ඔහුගේ සේවයෙන් පහ කිරීම පිළිබඳ හේතු දැක්විමේ ලිඛිත දැනුම් දිමක් ද ඔහු වෙත ලබා දි තිබේ.
ඉන් අනතුරුව ෆිල් සිමන්ස් 2025 චැම්පියන්ස් කුසලානය දක්වා අන්තර්කාලීනව ප්රධාන පුහුණුකරු ලෙස වැඩ භාර ගැනීමට නියමිතය.
“හතුරුසිංහට විෂමාචාර චෝදනා දෙකක් තියනවා. බංගලාදේශ ක්රිකට් පාලක මණ්ඩලයේ සභාපති සභාපති ෆාරුක් අහමඩ්ගේ ප්රකාශයක් උපුටා දක්වමින් ක්රික් ඉන්ෆෝ වෙබ් අඩවිය වාර්තා කරයි. “පළමුව ක්රීඩකයෙකුට පහරදීමක් ගැනයි. දෙවනුව, ඔහු කොන්ත්රාත්තුවේ තිබූ ප්රමාණයට වඩා වැඩි නිවාඩු ප්රමාණයක් ගත්තා.” ෆාරුක් අහමඩ් පවසා තිබිණි.
ශ්රී ලංකා කණ්ඩායමේ පුහුණු කරු ලෙස අසාර්ථක සහ විනාශකාරී ක්රියාවලියක නිරත වුන චන්දික හතුරුසිංහ දෙවන වරට බංග්ලාදේශ පුහුණුකරු ලෙස පසුගිය වසරේ පෙබරවාරි මාසයේදී නැවත පැමිණියේය.
මේ වසරේ අගෝස්තු මාසයේදී, අහමඩ් අධ්යක්ෂ මණ්ඩලයේ සභාපති ලෙස පත්වීමෙන් ටික කලකට පසු, හතුරුසිංහ තවදුරටත් බංග්ලාදේශයේ ප්රධාන පුහුණුකරු ලෙස කටයුතු නොකළ යුතු බව ඔහු පවසා තිබුණි.
හතුරුසිංහ යටතේ, බංග්ලාදේශය පසුගිය වසරේ එක්දින ලෝක කුසලානයත් මේ වසරේ විස්සයි20 ලෝක කුසලාන තරඟාවලියේ දීත් දුර්වල වූ අතර දක්ෂතා දැක්වීමට අපොහොසත් වූයේය.
මෙම කාල සීමාව තුළ ඔහුගේ පුහුණුකාරිත්ව යටතේ හොඳම ජයග්රහණය වූයේ මේ වසරේ පාකිස්තානයට එරෙහිව බංග්ලාදේශය 2-0 ටෙස්ට් තරඟාවලි ජයග්රහණයයි. එය පකිස්ථානයේදී ඔවුන් ලද මංගල ටෙස්ට් ජයග්රහණය වූ අතර වසර 15කට පසු විදේශීයක දී ලද පළමු ටෙස්ට් තරඟාවලි ජයග්රහණය විය.
කෙසේ වෙතත් ඉන් අනතුරුව පැවැති ඉන්දීය සංචාරයේදී ඔවුන් ටෙස්ට් තරග 2-0ක් ලෙසත්, විස්සයි 20 තරගාවලිය 3-0 ලෙස පරජාය වූවා පමණක් නොව තුන්වැනි තරගය පරාය වූයේ වාර්තාගත ලෙසය.
