ශ්රියානි විජේසිිංහ –
රාජ්ය හා පළාත් රාජ්ය සේවයේ විධායක නිලධාරීන්ට ලබා දීමට තීරණය කර ඇති රුපියල් 25000ක දීමනාව සමස්ථ රාජ්ය සහ පළාත් රාජ්ය සේවාවන්ගේ සියලුම නිලධාරීන්ට ශ්රේණි භේදයකින් තොරව ලබා දීමට රජය කටයුතු කළ යුතු බව රාජ්ය හා පළාත් රාජ්ය සේවා වෘත්තීය සමිති එකමුතුව රජයට දැනුම් දී සිටියි.
මෙම විශේෂ දීමනාව ජූලි මස 10 වෙනිදාට පෙර රාජ්ය නිලධාරීන්ට ලබා දීටම තිරණය නොකරන්නේ නම් ලබන ලබන 9 වෙනිදායින් පසුව ගන්නා ක්රියා මාර්ගයන් කුමක්ද යන්න පිලිබඳව ප්රකාශයට පත් කරන බව වෘත්තීය සමිති එකමුතුවේ කැදවුම්කරු චන්දන සූරියආරච්චි පවසා සිටියි.
ආණ්ඩුව රාජ්ය සේවකයින්ට හැදි දෙකකින් බෙදීමට කටයුතු කරමින් ශ්රේණීන් අතර බේදයක් ඇති කිරීමට කටයුතු කර ඇති බව පෙන්වා දෙන චන්දන සූරියආරච්චි වෘත්තීය සමිති එකමුතුව එවැනි බේදයක් ඇති කිරීමට කිසිවිටකත් ඉඩ නොතබන බවද පෙන්වාදේ.
රාජ්ය නිලධාරින්ට රාජ්ය සේවකයින්ට දෙවිදිහකට සැලකීමේ අයිතියක් ආණ්ඩුවට නැති බවත් එය යුක්ති සහගත නැති බවත් පෙන්වා දෙන එකමුතුව ප්රාථමික ද්විතික ඇතුලු සියලුම සේවාවන් නියෝජනය කරන සමස්ත රාජ්ය සේවකයින්ට නව චක්ර ලේඛය පදනම් කරගෙන රුපියල් 25000ක විශේෂ දීමනාවක් ලබා දීමට කටයුතු කළ යුතු බවද අවධාරණය කරයි.
මුදල් ඇමති ජනාධිපති රනිල් වික්රමසිංහට සහ රාජ්ය පරිපාලන ඇමති අගමැති දිනේෂ් ගුණවර්ධනට බදාදා ලිඛිතව මේ බව දැනුම් දීමට කටයුතු කරන අතරම මේ සතිය විරෝධතා සතියක් ක්රියාත්මක කරන අතර ඒ සඳහා කලු පටි බැද සහ කලු ඇදුමින් සැරසී සේවයට වාර්තා කිරීමට තීරණය කළ බව ද කැඳවුම්කාරවරයා පැවසුවේය.
මීට අමතරව එළඹෙන 8 සහ 9 යන දෙදින වැඩ වර්ජනයක් ප්රකාශයට පත් කිරීමටද තීරණය කළ බවත් ආණ්ඩුව 10 වනදාට පෙර මෙම රුපියල් 25000ක විශේෂ දීමනාව රාජ්ය හා පළාත් රාජ්ය සේවයට ලබා දීම සඳහා තීරණයක් නොගන්නේ නම් ලබන 9 වෙනිදායින් පසුව ගනු ලබන ක්රියාමාර්ගයන් කුමක්ද යන්න ප්රකාශයට පත් කරන බවත් හෙතෙම කීවේය.
