කීර්ති ප්රනාන්දු –
වැඩිවන විදුලි බිල ගෙවීමට මේ රටේ ජනතාවට නොහැකිවීම අනිවාර්ය බවත් වැඩිවන විදුලිබල ගෙවාගත නොහැකිවන අසරණ මිනිස්සුන්ගේ විදුලිය විසන්ධි කිරීමට තම සාමාජිකයින් නොයවන්නට තීරණය කර ඇති බවත් ලංකා විදුලි සේවක සංගමයේ ප්රධාන ලේකම් රන්ජන් ජයලාල් පවසයි.
ආණ්ඩුවට අවශ්යනම් එවැනි විසන්ධි කිරීම් සඳහා හමුදාව හෝ පොලිසිය යොදා ගතහැකි බවට ඔහු යෝජනා කරයි.
ලංකාසරට අදහස් දක්වමින් රන්ජන් ජයලාල් මෙසේ ද පැවසුවේය.
“ අපි දැඩිව කියා සිටින්නේ විදුලි බිල වැඩි කරන්න එපා කියලා. මේක මිනිස්සුන්ට දරාගන්න බෑ. විදුලි බිල වැඩි කිරීම සාධාරණයි කියලා කියන අයට අපි කියනවා වැඩිවන විදුලිබිල ගෙවන්න කියලා.
වැඩිවන විදුලිබිලට විරෝධය පල කරන ජනතාවට බිල ගෙවාගන්න බැරිවුනොත් අපි තීන්දුවක් අරන් අපේ සාමාජිකයින්ට කියනවා ගෙවල්වලට ගිහින් විදුලිය විසන්ධි කරන්න එපා කියලා.
මොකද අනිවාර්යයෙන්ම ගියොත් අපට මිනිස්සු ගහනවා. ඒ කෝපය සාධාරණයි. විදුලිය විසන්ධි කරන්න ගිහින් ප්රශ්නයක් ඇතිවුනොත් මොකද වෙන්නෙ කියන අත්දැකීමත් අපිට තියනවා.
පහුගිය මාසේ 23 වැනිදා නවීන් දිසානායකගේ නිවසේ විදුලිය කපන්න ගියාට පස්සේ අපේ සේවකයින්ගෙ බෙල්ලන් අල්ලා එලියට දැම්මා. ඒ ගැන කුරුඳුවත්ත පොලිසියෙ පැමිණිල්ලක් සටහන් කළා. විදුලිබල මණ්ඩලයෙන්වත් ක්රියාමාර්ගයක් නෑ.
මේ හේතුව නිසා අපි කාගෙවත් විදුලිබිල් කපන්න සම්බන්ධ වෙන්නෙ නෑ. ආණ්ඩුවට අවශ්යනම් හමුදාවෙන් සහ පොලිසියෙන් දාලා විදුලිය විසන්ධි කරගනී.
