වික්ටෝරිය ජලාශයේ ස්වයංක්රීයව වාන් දොරටු අද (27) උදේ විවෘත වුනේය.
වික්ටෝරියා ජලාශයේ කාර්යභාර ඉංජිනේරු වසන්ත ඇහැලපිටිය පැවසුවේ උදේ 11 පමණ වනවිට දොරටු 02ක් ස්වයංක්රීයව විවෘත වුන බවත් මේ වනවිට දොරටු 08ක් අඟල් 07 බැගින් විවෘතවී ඇති බවත්ය.
මේ වනවිට තත්පරයට ඝණ මීටර 500ක ධාරිතාවකයකින් ජලාශයෙන් ජලය නිකුත් වන බව ද ඉංජිනේරුවරයා පැවසුවේය.
මේ වනවිට පොල්ගොල්ල ජලාශයේ ද වාන් දොරටු 08ක් විවෘත වී තිබේ. එම ජලය වික්ටෝරියාවට මුදා හැරීමත් සමග සීඝ්රයෙන් වැඩවන ජල ධාරිතාව නිසා වික්ටෝරියා ජලාශයේ ස්වයංක්රීය වාන් දොරටු විවෘත වූයේය.
පොල්ගොල්ල ජලාශයට පහළින් සහ වික්ටෝරියා ජලාශයට පහළින් මහවැලි ගඟ පරිහරණය කරන ජනතාවට විශේෂ අවධානයකින් ඉන්නැයි අවවාද කෙරේ.
