2018 වසරේ නව ක්රමය යටතේ පැවැත්වූ පළාත් පාලන මැතිවරණය හේතුවෙන් දෙගුණයකින් පමණ වැඩි වූ පළාත් පාලන මන්ත්රීධුර හේතුවෙන් රජයට වාර්ෂිකව මිලියන 3200ක එනම් බිලියන 3.2ක පමණ අතිරේක වියදමක් දරන්නට සිදුව ඇති බව පළාත් සභා හා පළාත් පාලන රාජ්ය අමාත්ය ජානක වක්කුඹුර මහතා පවසයි.
මේ වනවිට මෙම මනත්රි ධුර සංඛ්යාව 8000 සිට 4000ක් දක්වා පහත දැමීමට යෝජනා වී ඇති අතර පළාත් පාලන ආයතන කොට්ඨාස සීමා නිර්ණය දී මෙම අඩු කිරීම සම්බන්ධ කඩිනම් නිර්දේශ බලාපොරොත්තු වන බව ඔහු මාධ්ය්යට ප්රකාශ කර සිටියේය.
පළාත් පාලන ආයතන කොට්ඨාස සීමා නිර්ණය සඳහා පසුගියදා කමිටුවක් පත් කල අතර එහි සභාපතිවරයා ලෙස මැතිවරණ කොමිසමේ හිටපු සභාපති මහින්ද දේශප්රිය පත් කර ඇත. මේ අතර පළාත් පාලන ආයතන කොට්ඨාස සීමා නිර්ණය සඳහා පත්කළ ජාතික කමිටුවේ ක්රියාකාරීත්වය හේතුවෙන් ලබන මාර්තු මාසයේදී පැවැත්වීමට නියමිත පළාත් පාලන මැතිවරණය පැවැත්වීමට අදාළ කටයුතුවලට බාධා වන්නේදැයි, නීතිපතිපතිවරයාගේ උපදෙස් ලබා ගැනීමට මැතිවරණ කොමිසම තීරණය කර තිබේ.
එම කොමිසම පවසන්නේ 2023 වසරේ මාර්තු 20 වැනිදාට පෙර පළාත් පාලන මැතිවරණය පැවැත්වීමට අදාළ සැලසුම් සකස් කර ඇති බවයි. ඒ අනුව නීතිපතිවරයාගේ මතය අනුව සිය ඉදිරි සිදු කරන බව ද මැතිවරණ කොමිසම සඳහන් කළේ ය.
සීමා නිර්ණය සඳහා පත්කළ ජාතික කමිටුවේ නිර්දේශ ලබන වසරේ පෙබරවාරි 28 වැනිදා වන විට ලබා දිය යුතුව ඇති අතර පළාත් පාලන මැතිවරණය පැවැත්වීමට මැතිවරණ කොමිසම කළ සැලසුම අතර පරස්පරතාවක් ඇති වන්නේදැයි එහිදී නීතිවරයාගේ අවධානය යොමු කරවීමට නියමිතව ඇත.
21 වන සංශෝධනය සම්මත වීමත් සමග කොමිෂන් සභා සඳහා යළි සාමාජිකයින් පත් කළයුතුව ඇති අතර මේ අතර මැතිවරණ කොමිසමටද නව මණ්ඩයක් පත් කළ යුතව ඇත. එම තත්ත්වය තුළ කොමිසමේ ඉදිරි කටයුතු පවත්වාගෙන යාම පිළිබඳවත් නීතිපති උපදෙස් විමසීමට අපේක්ෂා කරන බව, මැතිවරණ කොමිසම සඳහන් කළේ ය.
