සූරියවැව නුවන් ජයසේකර –
අම්බලන්තොට වලවේ ගග පාලම අසල මියගිය කිඹුලෙකුගේ සිරුරක් පාවෙමින් තිබියදී අද (21) පෙරවරුවේ සොයාගත් බව කළමැටිය වනජීවී කාර්යාලය පවසයි.
අම්බලන්තොට වලවේ ගඟ පාලම අසල මියගිය කිඹුළෙකුගේ සිරුරක් පාවෙමින් ඇති බවට ජනතාව සිදුකළ දැනුම් දීමකට අනුව කළමැටිය වනජීවි නිළධාරීන් පැමිණ පරික්ෂණ ආරම්භ කර තිබේ.
ප්රදේශයේ ජනතාව පවසන්නේ වලවේ ගඟේ දිය නැමට ගොස් මේ වන විට කිඹුලන්ට බිලි වු පිරිස බොහෝ සිටින බවත්, පසුගිය සතියේද දිය නෑමට ගිය කාන්තාවක කිඹුලෙකුට බිලි වු බවත්ය.
පසුගිය දින කිඹුල් ප්රහාරයකට ලක්ව කාන්තාවක මිය යාමෙන් පසු මෙලෙස කිඹුලන් මිය යාමට පටන් ගෙන ඇති බවත්, කිඹුලන්ට වස මිශ්ර මස් අනුභවයට දී මෙලෙස කිඹුළන් මරා දමන්නට ඇති බවත් ජනතාව පැවසිය.
මේ පිළිබඳව කලමැටිය වනජීවි කාර්යාලය පරීක්ෂණයක් ආරම්භ කර ඇති අතර කිඹුලා මියගියේ ඝාතනයක්ද යන්න සොයා බලන බව වනජීවී නිලධාරීන් පැවසීය.
