සහරාන් හසීම් ඇතුළු පාස්කු ඝාතකයින්ගේ ප්රහාර සැලසුම වෙනත් අතකට හරවා අපරාධය සිදුවීමට ඉඩ හැරීම සඳහා වව්නතිව් ඝාතන සිද්ධියේ විමර්ශන දැනුවත්ව අවුල්කිරීමට හමුදා බුද්ධි අංශ කටයුතු කළ ආකාරය විමර්ශනවලදී සාධක සහිතව හෙළි වූ අයුරු මහජන ආරක්ෂාව පිළිබඳ අමාත්ය ආනන්ද විජේපාල අද (09) පාර්ලිමේන්තුවේ දී අනාවරණය කළේය.
2018/11/30 වව්නතිව් පොලිස් මුරපොලේ සිටි නිලධාරින් 02ක් ඝාතන වූයේය. මේ විමර්ශනයේ දී හිටපු එල්ටීටීඊ සාමාජිකයෙක්වන අජන්තන් අත් අඩංගුවට ගෙන ඔහු විසින් මෙම ඝාතනය සිදුකළ බවට බුද්ධි නිලධාරිහු සාක්ෂි හැදූහ.
ඔහු පැළඳ සිටි යතුරුපැදි කබාය අපරාධ ස්ථානයට නුදුරින් බෝක්කුවක් යට තබා අපරාධය එල්ටීටීඊ සමාජිකයින් විසින් කළ බවට අසත්ය සාක්ෂියයක් නිර්මාණය කර විමර්ශන නොමග යැවීමට සිදුකළ උත්සාහය අනාවරණය වී ඇති බවත් වැරදි අසත්ය විමර්ශනයක් කර මේ විමර්ශන නොමග යැවීමට හැදූ එක් බුද්ධි අංශ නිලධාරියෙක් අත් අඩංගුවට ගෙන ඇති අතර තවත් පිරිසක් අත් අඩංගුවට ගැනීමට නියමිත බවත් මහජන ආරක්ෂක ඇමතිවරයා අද ප්රකාශ කළේය. .
“වව්නතිව් පොලිස් මුරපොලේ මරා දැමූ පොලිස් නිලධාරීන් දෙදෙනා අත තිබූ රිවෝල්වර ගිනි අවි දෙකෙන් එකක් වනාතවිල්ලුව ලැක්ටෝ වත්තේදී තිබී සොයා ගත්තා. අනෙක් රිවෝල්වරය පාස්කු ප්රහාරයෙන් පසුව අත් අඩංගුවට ගත් සහරාන්ගේ රියදුරු ගපූර් මාමා නැමැත්තාගේ ප්රකාශය මත නින්දවූර් ප්රදේශයේ ආරක්ෂිත නිවාසයක දුම් කවුළුවක සගවා තිබී සොයාගෙන තිබෙනවා.”
“මෙකෙන් පහැදැලි වෙනවා වව්නතිව් විමර්ශනය නොමග යවන සුළු විමර්ශනයක් වෙලා තිබුණු බව. ඒ විමර්ශනය ඇත්ත විමර්ශනය දැන් ඇත්ත සැරකරුවන් අත් අඩංගුවට අරන් තියනවා.” ඇමතිවරයා පැවසුවේය.
