-
කතා කරනකොට බුදු හාමුදුරුවො වගේ… වැඩ දේවදත්තයෙක් වගේ… ප්රශ්නයක් එනකොට හැංගෙන මේ වැනි බියගුල්ලෙක් ජනාධිපති කරන්න පසුගිය ජනාධිපතිවරණයේ දී කැපවීම පිළිබඳ මම ජනතාවගෙන් සමාව ඉල්ලනවා… අජිත් මාන්නප්පෙරුම් කියයි!
සජිත් ප්රේමදාසගේ ක්රියාකලාපය පිළිබඳව තමන් දැඩි ලෙස කළකිරුණු බැවින් ගම්පහ නාමයෝජනා ලැයිස්තුවේ සිය නම තිබුණත් මෙවර මැතිවරණයට තරග නොකරන බව අජිත් මාන්නප්පෙරුම මාධ්ය සාකච්ඡාවක් කැඳවමින් ප්රකාශ කළේය.
ඔහු කියා සිටින්නේ කිසිම ගම්පහ පුරවැසියෙක් තමන්ට ඡන්දය ප්රකාශ නොකරන ලෙස ඉල්ලා සිටින බවය.
නාමයෝජනා අත්සන් කළ පැය 24ක් යන්නට ප්රථම සදාචාර විරෝධී ලෙස දශක දෙකක් තිස්සේ තමන් ගම්පහ ආසන සංවිධායකවරයා ලෙස දැරූ වගකීම තමන්ගෙන් ඉවත් කර එක්සත් ජාතික පක්ෂය වෙනුවෙන් රනිල් වික්රමසිහට වැඩකළ පුද්ගලයෙකුට පවරාදීම සම්බන්ධව තමන් දැඩි ලෙස කළකිරී සිටින බවය.
සමගි ජන බලවේගයේ නායක සජිත් ප්රේමදාස විසින් මෙතෙක් කාලයක් එක්සත් ජාතික පක්ෂයේ රනිල් වික්රමසිංහගේ දේශපාලනය කළ වරුණ දීප්ත රාජපක්ෂ මීට දින කීපයකට පෙර සමගි ජන බලවේගයේ ආසන සංවිධායක ධූරයට පත් කර තිබිණි.
අජිත් මාන්නප්පෙරුම මාධ්ය හමුවේ පැවසුවේ මෙවැන්නකි.
මම සජිත් ප්රේමදාස අපේ නායකයා ගැන දැඩි ලෙස කළකිරිලා මම කතා කරන්නේ. මට නොමිනේෂන් අත්සන් කරන්න දුන්නා. නොමිනේෂන් අත්සන් කරලා පැය 24ක් යනකොට මගේ ගම්පහ ආසනය, මම නගරාධිපතිවරයා වශයෙන් අවුරුදු 09ක් ආසන සංවිධායකවරයා වශයෙන් කටයුතු කළා. පළාත් සභා මන්ත්රීවරයෙක් වශයෙන් අවුරුදු 04ක් ආසන සංවිධායකවරයා වශයෙන් කටයුතු කළා. පාර්ලිමේන්තුවේ අවරුදු 12ක් ගම්පහ ආසන සංවිධායකවරයා වශයෙන් කටයුතු කළා.
නමුත් මම නොමිනේෂන් අත්සන් කරලා ගෙදර ඇවිත් පැය 24ක් යනකොට මගේ ආසන සංවිධායක ධූරය සජිත් ප්රේමදාසටවත් වැඩ කළ නැති, එක්සත් ජාතික පක්ෂය වෙනුවෙන් රනිල් වික්රමසිංහට වැඩ කරපු පුද්ගලගයෙකුට ආසන සංවිධායක ධූරය මට හොරෙන් මට කියන්නේ නැතිව ලබා දීම මගේ දැඩි කළකිරීමට හේතු වුනා.
මම මේ සඳහා මට විශ්වාස කරන්න බැරි වුනා. නායකයෙක් වුනාම මට කතා කරලා මේ වෙනස කරන්න ඕන. මට කතා කරන්නේ නැතිව, මගේ ටෙලිෆෝන් එකට ආන්සර් කරන්නේ නැතිව අද වෙනකල්ලවත් මම කෝල් එකක් ගත්තට ආන්සර් කරන්නේ නෑ.
ඒ හින්දා මේ බිය ගුලුව හැංගෙන ප්රශ්නයකට මුහුන දෙන්න බැරි නායකයෙක් වෙනුවෙන් තව දුරටත් වැඩ කරන්න බෑ කියන එක තීරණය කරලා මෙම අපේක්ෂක ලයිස්තුවෙ නම තිබ්බත් මම ඡන්ද සටනින් ඉවත් වෙනවා කියලා තීරණය කළා.
ඒ වගේම මම සියලු ජනතාවට කියනවා මම පසුගිය මැතිවරණයේ සජිත් ප්රේමදාස මහත්මා ජයග්රහණය කරවීම සඳහා දැඩි ලෙස කැප වෙලා වැඩ කළා. ගම්පහ දිස්ත්රික්කයේ ඡන්ද ප්රමාණය කලින් මැතිවරණයට වඩා පන් දහසකින් ඉදිරියට ගෙනාව.
නමුත් මම කතා කණගාටු වෙනවා මෙවැනි බියගුලු ලෙස හැංගිලා යට ඉඳන් කුමන්ත්රණය කරන කතා කරද්දි බුදු හාමුදුරුවො වගේ කතා කරන ක්රියාවේදී දේවදත්තයා වගේ ක්රියා කරන නායයෙක් ජනාධිපති කරවීමට උත්සාහ කිරිම ගැන මම දැඩි ලෙස කම්පා වෙනවා. මේ සියලු දෙනාගෙන් මම සමාව ඉල්ලනවා.
